بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ زوگریں پاکستانی لشکر ءِ جارکش ءَ لیویز بھرگ، بلوچستان ءِ کارکنوکیں کارمند یونس ء رسول بکش ءَ بی ایل ایپ ءِ سرمچار پیش کرتگ ءُ آواران ءَ یک میڑے ءَ کشگ ءِ ٹاپار جتگ کہ اے تچک ءَ دروگ ءُ ردیں گپے۔ راستی ھمیش اِنت کہ اے لیویز کارمند چہ آئی گس ءَ آواران، مالار بنگل بازار ءَ زورگریں پاکستانی لشکر ءَ کھول ءِ دیم ءَ آوار جتگ ءُ کھول ھم آزار داتگ ءُ لیویز کارمند چہ گس ءَ لھتیں کلو میٹر دور دمب ءَ کشتگ ءُ آئی لاش چگل داتگ۔
آئی ءَ گوشتگ کہ زورگریں لشکر پہ وتی میار ءِ چیر دیگ ءَ اے لیویز کارمند ءَ بی ایل ایپ ءِ سرمچار پیش کنگ ءَ اِنت، اے لیویز کارمند یونس ء رسول بکش بی ایل ایپ ءِ سرمچار شھید دوستین میروانی پنام میرک ء ریاز میروانی مالار ءِ جاہ منند ءِ شھیدی ءَ ھوار بیتگ ءُ اے میار ءَ بی ایل ایپ شکی بیتگ۔
جارکش ءَ گوشتگ کہ آئی ایس پی آر ءِ جارکش ءَ وتی ھمے درشان ءَ کیچ ءِ بنجاھی شھر تربت شھر ءَ شھید بیتگیں سرمچار امجد بشام ءُ سبر اللہ ھندوستان ءِ چاریگ گوشتگ ءُ بلوچ آجوئی زرمبشت ءِ بابت ءَ وتی دروگ ءُ وتسریں درشان ءِ پارست ءَ بے سوبیں جھدے کرتگ، بلے ھمک باسما ءُ سرڈگار دوستیں بلوچ شریں وڑےءَ زانت کہ بی ایل ایپ ءُ بلوچ سرمچار ھچ وڑیں ڈیھے ءِ پروکسی ءُ چاریگ نہ اَنت بلکیں بلوچستا نءِ آجوئی ، راجی پدریچ، راجی شرپ ءُپہ پجار ءَ وتی سرانی دیوکیں سرمچار اَنت۔ امجد بلوچ ءُ ھمبل شھیدیں سرمچار ءِ نہ ترسی، لشکری بودناکی ءِ گمان ءَ چہ آیانی لاشاں کرت کن اِت کہ گوں آیانی لاشاں زورگریں لشکر کجام داب ءَ پیش بیتگ۔ آیاں زورگریں لشکر ءَ ھما ٹپ بر کرتگ کہ ایشی جاہ ءَ دژمن جزباتی بیتگ ءُ درسیں انسانی، دودمانی ءُ اسلامی راھبند لپاشتگ اَنت ءُ گوں آیانی لاشاں رستری روشتاں پیش بیتگ کہ اے دژمنیں لشکر ءِ پروش ءِ ھواری ءَ دودمانی بودناکی ءِ ھلاسی ءَ پیش دار ایت۔
آئی ءَ گوشتگ کہ بلوچ شھیدانی لاشانی گون ءَاے وڑءَ پیش بوگ بنداتی ویل نہ اِنت، بلکیں شھید نواب اکبر ھان بگٹی، مرگاپ ءِ شھید واجہ گلام مھمد بلوچ، لالا منیر بلوچ ، شیر مھمد بلوچ، شھید رسول بکش مینگل، شھید ھاجی رزاک سربازی، میھی ءِ شھید، شھید نورا بلوچ پنام پیرک جان ءَ ھوار ھزارانی کچ ءَ بلوچ شھیدانی لاشانی گون ءَ ھمے وڑ کرتگ ءُ زورگریں لشکر ءَ وتی بے دودمانی ءُ ناشری مدام پیش داشتگ اَنت۔
جارکش ءَ گوشتگ کہ راستی ھمیش اِنت بی ایل ایپ ءَ سلاہ بندیں جھد ءِ پڑا دژمن گوں مزنیں پروشے ءَ دیم پہ دیم کرتگ۔ ھمے رزوائیں پروش ءِ سوب ءَ دژمنیں لشکر سسائی پارست ءَ بے وار بیتگ ءُ وتی لشکریانی لاشانی چست کنگ ءِ میان ءَ کھولانی ھال دیگ ءَترس ایت۔
آئی ءَ گوشتگ کہ بلوچ یک باسمائیں راجے آ شری ءَ زانت کہ سلاہ بندیں جنگ ءِ پڑا جنگ کنوکیں سرمچار پہ راجی آجوئی، شرپ ءُ انسانیتءَ جھد کنگ ءَ اَنت۔ ایشی منانک ھمیش اِنت کہ گل ءِ سرمچاراں باز رند ءَ پاکستانی لشکر ءِ کارمندانی پرشت ءُ پروشیں جان ءِ آزا یکجاہ کرتگ اَنت ءُ انسانی شرپ ءُ اسلامی ربیتانی ردءَ کل کرتگ اَنت۔ وھدے کہ بلوچ سرمچار جنگ ءِ میان ءَ شھید بنت گڑا گل گوں شان ءَ آیاں ستک شانی ندر کنت ءُ بلوچ راج آیانی نہ ترسیءُ دیمونیانی سر ءَ پھر بند ایت۔
میجر گھرام ءَ گوشتگ کہ بی ایل یپ آئی ایس پی آر ءِ درشان ءَ وتسر، دروگ ءُ رد لیک ایت۔
