بلوچ نیشنل موومنٹ ( بی این ایم ) ءِ بنجاھی سرکماش ڈاکٹر نسیم بلوچ ءَ ماں رسانکدر ءَ وزیرستان ءَ پاکستانی ڈرون ارش ءُ کودکیں زھگانی شھیدی ءِ پژدر ءَ نبشتگ کہ وزیرستان ءَ پاکستانی ڈرون ارش ءَ سے کودکیں زھگ شھید بیتگ، اے بلوچ ءُ پشتون راجانی بگیری ءَ مھکمیں چکچینی ءِ بھر اِنت کہ بمبگواری، زوریں بیگواھی، درکانودی کوش ءُ وتسریں دزگیریانی پارست ءَ برجاہ اِنت۔
آئی ءَ گوشتگ کہ چہ بلوچستانءِ کوھاں بگر داں وزیرستان ءِکوہ بُن ءَ مردمانی گون ءَ چو رسترانی وڑ ءَ ناشری بوگ ءَ اِنت۔ وانگجاھانی سر ءَ بمب چگل دیگ بیت، کارکن دزگیر کنگ بنت، زھگ کشگ بنت۔ اے ارش ریاست ءِ ناشرکاری اَنت کہ ایشی مول گھگیری توار ءِ دارگ اِنت ءُ پجارانی ھلاس کنگ اِنت۔
ڈاکٹر نسیم بلوچ ءَ گوشتگ کہ ما وتی پشتون برات ءُ گھارانی گون ءَ ھمدردی کن ایںءُ جھان ءَ بے توار بوگی نہ اِنت۔
