بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که ھژده مئی 2025 ءَ شپ ءِ ادار شش ءِ نزیک ءَ بی ایل ایپ ءِ سرمچاراں بالگتر ، سیدآباد ءَ چمگ ءِ بنجل ءِ سر ءَ گوں ٹوھیں سلاه ءُ راکٹ لانچراں اُرش کرتگ۔سرمچاراں گوں سکا سوھوئی ءَ بنجل نشانگ کرتگ ءُ آئی ءِ پھازداریں سنگر تباه کرتگ ، ایشی ءِ آسر ءَ دژمن ءِ دو کارمند مرتگ ءُ یکے ٹپی بیتگ۔
آئی ءَ گوشتگ که چه اُرش ءَ لھتیں دمان ءَ پد زورگریں لشکر ءَ گڈگی میتگءَ بیڑ برتگ ، گس پٹ ءُ پول کرتگ اَنت ءُ دگ بند کرتگ ، بلے سرمچار په سلامتی درکپتگ اَنت ءُ وتی مھکمیں بندراں سر بیتگ اَنت۔
جارکش ءَ گوشتگ که اِے اُرش ءِ تامر زوت چه بی ایل ایپ ءِ رسانکدر آشوب ءَ شنگ کنگ بیت۔
آئی ءَ گوش که دگه یک کارے ءَ 19 مئی 2025 ءَ نیمروچ ءِ ادار یک داں دو ءَ سرمچاراں ھاران ءَ سی پیک دگ بستگ ءُ پٹ ءُ پول کرتگ ، ھمے وڑ ءَ سرمچارانی دگه یک ٹولی یے ءَ ھاران ءِ ھند بٹ ءَ لیویز چوکی گپتگ ءُ اود ءِ درسیں سرکاری سلاه ءُ سامان زرتگ ءُ گوں وت برتگ اَنت۔
جارکش ءَ گوشتگ که سرمچاراں لیویز کارمند ابید ھچ وڑیں تاوان ءَ یل کرتگ اَنت.
میجر گھرام بلوچ ءَ بالگتر ءُ ھاران ءِ اُرشانی زمه واری من اتگ ءُ گوشتگ که ھمے کول ءَ کن اِیں که زورگپتیں بلوچستان ءِ چپ ءُ چاگرد ءَ پاکستانی لشکر ءِ بنجلانی سر ءَ وتی اُرشاں گوں ترندی ءَ برجاه دار اِیں۔
