بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں 18 مئی 2025 ءِ بیگاہ ءَ شال ءَ سریاب دگ ءَ مل ھاوسنگ اسکیم ءَ یک ھجام ءِ دکانے ءَ ایم آئی ءِ چیریں کارمند ءُ پنجاپ ءِ جاہ منند سھیل ھان جاہ منند رھیم یار ھان تیرگواری کرتگ ءُ کشتگ۔ سرمچاراں بی ایل ایپ ءِ انٹیلیجنس ونگ ءِ چیریں ھالے ءِ بنیاد ءَ اے کاروائی کرتگ۔
آئی ءَ گوشتگ کہ بی ایل ایپ ءِ ادارہ انٹیلیجنس ءِ کارمنداں چنچو ماہ اِنت کہ نشانگ ءَ چارگ ءَ بیتگ اَنت۔ اے پہ ریاستی شوربندیانی پیلو کنگ ءَ بلوچ ھنداں وتی دروشم مٹ کرتگءُکار ءَ بیتگ۔ سرجم ءَ سرپدی ءُ ترءُ گردانی چارگ ءَ پد گل ءِ رد ءَ پیسلہ کنگ بیتگ ءُ گڈی آسر ءَ سر کرتگ۔
میجر گھرام ءَ وتی درشان ءِ گڈی ءَ ایم آئی ءِ کارمند سھیل ھان ءِ کوش ءِ زمہ واری من اتگ۔
