زرمبش رسانکدر ءَ نوکیں تھر بندات کرتگ ءُ وتی بنداتی پرومو شنگ کرتگ۔ پرومو ءِ رد ءَ زرمبش ءَ نوں یک سرجم ءَ ڈیجیٹل اسٹیڈیوے ءِ دروشم ءَ کار بندات کرتگ۔ اد ءَ بلوچی زبان ءَ ھال ءُ آدگہ پروگرام پیش کنگ بنت۔ بنداتی جارگودی مھناز بلوچ ءَ جتگ کہ اے نوکیں راھبند ءِ بنداتی ھال اِنت۔
چوش کہ زرمبش ءَ دو روچ پیش اے آشوبی گامگیج ءِ جار پرینتگ اَت، پرومو شنگ کرتگ ءُ زرمبش ءِ کارمستر دل مراد بلوچ ءَ گوں درسیں بلوچ دوستءُ دوزواھانی گون ءَ لوٹ کرتگ کہ آ رسانکدر ءِ رد ءَ اے نوکیں سپر ءَ مئے گون ءَ کمک ءُ رھشونی بہ کن اَنت۔
آئی ءَ گوشتگ کہ باز ھمبل ھمے جست ءَ کنت کہ ریڈیو زرمبش ءِ یوٹوب چینل کہ آئی لک ءَ گیش سبسکرائب اَنت آئی چی ءَ کارمرز کنگ ءَ نہ اِنت۔ اے بابت ءَ من گوش آں کہ اے چینل ءِ سر ءَ ھمنچو رپورٹ کنگ بیتگ کہ نوں ایشی سر ءَ بیسہ کنگ نہ بیت۔
ھمے بنیاد ءَ زرمبش ءَ نوکیں سپر ءَ نوکیں چینلے بندات کرتگ۔ما سدکیں کہ زرمبش ءِ دوزواہ ءُ بلوچ دوستیں مردم لھتیں روچانی میان ءَ اے نوکیں راھبند ءَ ھمنچو تالان کن اَنت کہ بلوچ ءِ توار داں دور دور ءَ اش کنگ بیت۔
