بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ ھبدہ مئی 2025 ءَ بی ایل ایپ ءِ سرمچاراں آواران ءِ ھند پیراندر، جکرو ءَ سھب ءِ نو ءِ نزیک ءَ سنگر گپتگ ءُ پاکستانی لشکر ءِ کارمندانی سر ءَ ھما وھد ءَ اُرش کرتگ کہ نوک جوڑ بووکیں ڈیم ءِ پھازداری ءَ وتی سنگرانی نیمگ ءَ روگ ءَ بیتگ اَنت۔ اُرش ءِ آسر ءَ دژمن ءِ یک کارمندے جاھی مرتگ ءُ دو ٹپی بوتگ۔
آئی ءَ گوشتگ کہ ھبدہ مئی 2025 ءَ شپ ءِ نو ءُ نیم ءِ نزیک ءَ بی ایل ایپ ءِ سرمچاراں سارونہ ءِ ھند ریکو ءَ چہ بلوچستان ءَ مادن بروکیں یک گاڑی یے نشانگ کرتگ ءُ تاوان داتگ۔
جارکش ءَ گوشتگ کہ ھبدہ مئی 2025 ءَ بی ایل ایپ ءِ سرمچاراں کلات ءِ ھند مرجان ءَ شال کراچی شھدگ شپ ءِ ھشت ءَ داں سھب ءَ سے جتائیں ھنداں بستگ ءُ گاڑی یے ءُ پول کرتگ اَنت۔ ھمے وڑ ءَ سرمچاراں مرجان ءَ ٹیلی نار ءِ ٹاورے ھم تاوان داتگ۔
آئی ءَ گوشتگ کہ بی ایل ایپ گوں بلوچ ءُ پشتون ٹراسپورٹراں تیوک ءَ گوں مساپراں لوٹ کنت کہ آ دگ بندی ءِ وھد ءَ سرمچاراں کمک بہ کن اَنت ءُ سرکاری کارمندانی پیشدارگ ءَ وتی کرد ءَ پیلو بہ کن اَنت۔
جارکش ءَ گوشتگ کہ یک زمہ واریں گلّے ءِ رد ءَ ما ھمے سرپد بہ اِیں کہ دگ بندی ءِ وھد ءَ ٹرانسپوٹر ءُ مساپر جنجال بنت، بلے چوش کہ ما جنگی جاورانی تہ ءَ اِیں ءُ مئے دژمن وتی سپر ءَ وتی ایمنی سرپد بیت کہ دروشم ءَ مٹ کنت ءُ گوں مساپر بساں سپر کنت، چہ ایشی ءَ پہ دژمن ءِ روگ ءُ آھگ ءِ دارگ ءُ آئی ءِ سر ءَ بندش جنگ ءَ دگانی بند کنگ وھد ءُ جاورانی رد ءَ مئے جنگی کارشونی ءِ لوٹ اِنت۔
میجر گھرام بلوچ ءَ درشان ءِ گڈی ءَ اِے درسیں کاروائیانی زمہ واری من اِتگ۔
