کلات: پجار نہ بیتگیں سلاہ بندیں مردماں دوشی دگ بندگ ءِ میان ءَ یک موبائل ٹاورے مانداشتگ ءُ باز سرکاری کارمند دزگیر کنگ ءَ پد یل داتگ اَنت۔
بنشون ءِ رد ءَ دوشی سلاہ بندیں مردماں بازیں کچے ءَ کلات ءِ شھر مھلبی ءَ جتائیں جاھاں دگ بستگ ءُ گاڑی پٹ ءُ پول کرتگ اَنت۔ ھمے میان ءَ سلاہ بندیں مردماں باز سرکاری کارمند دزگیر کرتگ۔ دزگیر کنگ بیتگیں مردمانی بابتءَ گوشگ بوگ ءَ اِنت کہ آ پاکستانی لشکر ءُچیریں ادارھانی کارمند نہ بیتگ اَنت ھمے سوب ءَ رند ءَ یل کنگ بیتگ اَنت۔
ھمے میان ءَ سلاہ بندیں مردماں یک موبائل ٹاورے مانداشتگ ءُ تباہ کرتگ۔ اے میان ءَ دگہ جانی تاوان ءِ ھال نیست۔
اے کاروائیانی زمہ واری انگت ءَ ھچ گل ءَ نہ زرتگ۔
