تربت: زورگریں پاکستانی لشکر ءِ گون ءَ دیم پہ دیمی میڑے ءَ دو بلوچ سرمچار شھید بیتگ۔
بنشون ءِ رد ءَ شھید بیتگیں سرمچارانی نام امجد بشام ءِ بشام بلوچ ءُ سبر اللہ ء یار مھمد اِنت۔ شھید امجد ڈنسر کولواھی بازار آپسر ءِ جاہ منند اِنت ءُ شھید سبر اللہ سنگانی سر ءِ جاہ منند اِنت۔ مرچی سھب ءِ شش ءَ سنگانی سر ءَ گون زورگریں پاکستانی لشکر ءَ دیم پہ دیمی میڑءَ شھید بیتگ اَنت۔
چہ پاکستانی لشکر ءِ نیمگ ءَ شھید بیتگیں سرمچارانی انگر کنگ ءِ تامربند شنگ کنگ بیتگ ۔ چہ تامربند ءَگندگ بیت کہ سرمچار دمکے ءِ تہ ءَ انگر کنگ بنت۔
میڑءَ پد دوئیں سرمچارانی لاش دمگی انتزامیہ ءِ دست ءَ دیگ بیتگ اَنت۔
بلے چہ بلوچ آجوئی لوٹوکیں گلانی نیمگ ءَ سرمچارانی شھیدی ءِ بابت ءَ انگت ءَ ھچ وڑیں درشان شنگ کنگ بہ بیتگ۔
