آواران: جاھو ءَ پجار نہ بیتگیں سلاہ بندیں مردماں زورگریں پاکستانی لشکر ءِ چوکی ءِ سر ءَ اُرش کرتگ۔
بنشون ءِ رد ءَ دوشی ادار ھشت ءَ جاھو ءِ میتگ کوٹو ءَ برجاھیں پاکستانی لشکر ءِ چوکی نشانگ کنگ بیتگ۔ اُرش داں دیر ءَ برجاہ بیتگ اُرش ءِ آسر ءَ پاکستانی لشکر ءِ جانی تاوان ءِ ھال اِنت۔
اُرش ءَ پد چہ آواران ءِ نیمگ ءَ دو ایمبولینس گاڑی آرگ بیتگ کہ آیاں مرتگیں کارمندانی لاش ءُ ٹپی بیتگیں کارمند پہ الاج کنگ ءَ برتگ اَنت۔
چوش کہ چاردہ مئی ءَ جاھو، سیڑ ءَ پاکستانی لشکر ءِ سر ءَ بیتگیں اُرش ءِ زمہ واری بلوچ آجوئی لوٹوکیں سلاہ بندیں گل بلوچستان لبریشن پرنٹ ءَ منّ اتگ اَت، بلے اے ارش ءِ زمہ واری انگت ءَ ھچ گل ءَ نہ زرتگ۔
