بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ 15 مئی 2025 ءَ بی ایل ایپ ءِ سرمچاراں کولواہ ءِ ھند بدرنگ ءَ سھب ءِ ادار نوہ ءَ پاکستانی لشکر ءِ کاروان ءَ ھواریں بکتربند گاڑی گوں چیرکرتگیں شورھاں نشانگ کرتگ ءُ سرمچاراں سنگر گپتگ ءُ کاروان ءَ ھواریں آدگہ گاڑیانی ءُ پیادگ ءَ تر ءُ گرد کنوکیں کارمندانی سر ءَ اُرش کرتگ۔ چہ ایشی ءَ یک بکتربند گاڑی یے سرجم ءَ تباہ بوتگ ءُ آئی سواریں درسیں کارمند مرتگ اَنت۔ کاروان ءَ ھواریں آدگہ گاڑی ءُ پیادگ تر ءُ گرد کنوکیں کارمنداں جانی ءُ مالی تاوان بوتگ۔
آئی گوشتگ کہ سرمچاراں دژمنیں لشکر ءِ سر ءَ اُرش ءِ وھد ءَ تامربند ھم جوڑ کرتگ کہ آ زوت چہ بی ایل ایپ ءِ رسانکدری جاہ آشوب ءَ شنگ کنگ بیت۔
جارکش ءَ گوشتگ کہ 14 مئی 2025 ءِ شپ ءِ ادار ھپت ءِ نزیک ءَ بی ایل ایپ ءِ سرمچاراں جاھو سیڑ ءَ زورگریں پاکستانی لشکر ءِ سر ءَ اُرش کرتگ۔ اُرش ءَ سرمچاراں چوکی ءِ سر ءَ آر پی جی ءِ لھتیں گولا آس داتگ ءُ گوں ٹوھیں سلاھاں نشانگ کرتگ۔ چہ ایشی ءَ دژمنیں لشکر ءَ جانی ءُ مالی تاوان بوتگ
آئی گوشتگ کہ 15 مئی 2025 ءِ سھب ءِ ادار پنچ ءَ بی ایل ایپ ءِ سرمچاراں تربت جوسک ءَ پولیس تانہ انگر کرتگ ءُ تانہ ءَ ایریں درسیں سرکاری سلاہ ءُ آدگہ سامان دستیگ کرتگ اَنت۔ پولیس کارمند کڈن کنگ ءَ پد یل داتگ اَنت ءُ تانہ ءَ ھوار سرکاری درسیں کاگز مانداشتگ اَنت
آئی گوشتگ کہ 15 مئی 2025 ءِ بیگاہ ءِ ادار سَے ءِ نزیک ءَ وڈ ءِ ھند وھیر ءَ بی ایل ایپ ءِ سرمچاراں چہ بلوچستان ءَ مادن بروکیں دو گاڑی تاوان داتگ اَنت ءُ ڈرائیور سرپد کنگ ءَ پد یل داتگ اَنت۔
جارکش ءَ گوشتگ کہ بی ایل ایپ کولواہ، جاھو، تربت ءُ وڈ ءِ اُرشانی زمہ واری ءَ من ایت ءُ چہ رسانکدر ءَ درسیں گاڑی واھنداں گوں ترندی ءَ کڈن کنت کہ اگاں مرچی ءَ پد چونیں کہ گاڑی واھندے چہ بلوچستان ءَ مادن برگ ءَ ھوار بوت گوں آئی ءَ ترندی کنگ بیت۔
میجرگھرام ءَ گوشتگ کہ ما ھمے کول ءَ کن ایں کہ بی ایل ایپ ءِ سرمچار داں بلوچستان ءِ آجوئی ءَ ھمک گام ءَ ملکوت جوڑبنت ءُ زورگریں لشکر ءُ آئی پھازداریں ادارھانی سر ءَ ارش کن اَنت۔
