بلوچ لبریشن آرمی ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل اے ءِ سرمچاراں شال ءُ مستونگ ءَ زورگریں پاکستانی لشکر ءُ آئی ءِ وتگڑیں جشن پتھ گوں اُرشاں نشانگ کرتگ اَنت.
آئی ءَ گوشتگ که سرمچاراں مرچی شال ءَ زورگریں لشکر ءِ سروکی ءَ برجم داشتگیں وتگڑیں جشن پتھ ءِ روانک منیر مینگل دگ ءَ گوں دستی بمب ءَ نشانگ کرتگ. اِے روانک وتگڑیں ایم پی اے الی مدد جتک ءِ سروکی ءَ درکپتگ، سرمچاراں روانک ءَ ھواریں سلاه بندیں کشنده ٹولی ءِ کارمند نشانگ کرتگ اَنت که ایشی ءِ آسر ءَ یک کارمندے مرتگ ءُ دوازده ٹپی بیتگ۔
جارکش ءَ گوشتگ که بلوچستان ءِ وتگڑیں سرکار ءَ چه ترس ءَ شال ءِ درسیں دگ گوں کنٹینر ءَ بستگ اَنت ، آئی ءَ زورگریں لشکر ءِ سروکی ءَ گوں وتگڑیں جشن پتھ ءِ برجم دارگ ءَ جھان ءِ دلگوش ءِ گور کنگ ءُ ریپینگ ءِ جھد کرتگ ، بلے مرچی اِے راستی جھان ءِ دیم ءَ پدر بیتگ که بلوچ ءِ آجوئی زرمبشت ءَ گوں لس مردمانی پله مرزی ءَ مھکم اِنت ، چوش که بلوچستان ھچ جاه ءَ زورگریں لشکر په وت ءَ ایمنی سرپد نہ بیت۔
آئی ءَ گوشتگ که بی ایل اے ءِ سرمچاراں دوشی مستونگ ءَ سی سی ایم دوراھی ءَ زورگریں پاکستانی لشکر ءِ چوکی ءِ پھازداریں کارمند گوں دستی بمب ءَ نشانگ کرتگ اَنت ، ایشی ءِ آسر ءَ چار کارمند ٹپی بیتگ ، نشانگ کنگ بیتگیں چوکی پٹ ءُ پول ءِ نیمون ءَ بلوچ لس مھلوک ءَ کم شرپ کنگ ءَ بیتگ ،چوش که جنین ءُ کماش ھم نہ رک اتگ اَنت۔
جیھند بلوچ ءَ اُرشانی زمه واری من اتگ ءُ گوشتگ که زورگریں پاکستانی لشکر ءُ آئی ءِ کمکارانی سر ءَ اُرش برجاه بنت.
