بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ مشکے ءِ ھند کنڈری ءَ مرچی سھب ءِ ھشت ءَ دگ کارکنوکیں شرکت ءِ یک ٹرکے بی ایل ایپ ءِ سرمچاراں ھما وھد ءَ گوں چیر کرتگیں شورھاں نشانگ کرتگ کہ آ پھازداریں کاروان ءَ چہ زورگریں لشکر ءِ بنجل ءَ درکنگ ءَ بیتگ۔ ارش ءِ آ سر ءَ ٹرک ءَ سکا تاوان بیتگ ءُ آیاں ھم جانی تاوان بیتگ۔
آئی ءَ گوشتگ کہ اے دگ کارکنوکیں شرکتءِ کارمند زورگریں لشکر ءِ بنجل ءَ اَنت ءُ آیانی پھازداری ءَ لشکر کنگ ءَ اِنت۔ مرچی ارش ءِ وھد ءَ لشکری کاروان پھازدار بیتگ بلے سرمچاراں پہ دگ کارکنوکیں شرکت ءِ واھند ءِسرپد کنگ ءَارش ءَ آئی ٹرک نشانگ کرتگ۔
جارکش ءَ گوشتگ کہ دگہ یک کاروائی یے ءَ بی ایل ایپ ءِ سرمچاراں مرچی سھب ءِ نو ءَ تمپ ءِ میتگ گومازی ءَ پہ زورگریں پاکستانی لشکر ءِ چوکی ءِ کارمنداں راشن بروکیں گاڑی یے گپتگ ءُ گوں وت برتگ۔
آئی ءَ گوشتگ کہ مرچی کولواہ بدرنگ ءَ سرمچاراں بیگاہ ءِ چار ءُ نیم ءِ نزیک ءَ پاکستانی لشکر ءِ بنجل اُرشے ءَ نشانگ کرتگ۔ ایشی آسر ءَ زورگریں لشکر ءَ جانی ءُمالی تاوان بیتگ۔
جارکش ءَ گوشتگ که شش مئی 2025 ءَ بیگاہ ءِ چار ءِ نزیک ءَ پروم ءِ ھند جائینءَ بی ایل ایپ ءِ سرمچاراں پاکستانی لشکر ءِ بنجل ءِ بندگ ءِ سامان بروکیں ٹرک داشتگ ءُ جست ءُ پرس کنگ ءَ پد ساماناں ھوار گاڑی تاوان داتگ۔
آئی ءَ گوشتگ چوش کہ چہ ایشی ءَ پیش رسانکدر ءِ پارست ءَ ٹرانسپورٹر ءُ دگ کارکنوکیں شرکت کڈن کرتگ اَنت ءُ مرچی پد ءَ ھم کڈن کن ایں کہ زورگریں لشکر ءِ کمک کنوکیں درسیں شونداتاں کار مکن اَنت اگاں نہ آیانی گاڑی ءُ مشین ءُ سامان تاوان دیگ بنت۔
میجر گھرام ءَ ارشانی زمہ واری من اتگ ءُ گوشتگ کہ درسیں گاڑی واھنداں کڈن کن ایں کہ آ دژمنیں لشکر ءِ کمکاری ءَ یل بہ کن اَنت اگاں نہ وتی جان ءُ مال ءِ تاوان ءِ زمہ وار وت بہ بنت۔
