تربت: چاگردی کارکن وسیم سپر ءَ چنچو ماہ اِنت کہ آئی نام پورتھ شیڈول ءَ ھوار بیتگ، آئی پیشی ءَ سر نہ بوگ ءِ سوب ءَ سی ٹی ڈی ءَ آئی بگیری ءَ ایپ آئی آر نبیس اتگ۔
سی ٹی ڈی ءِ درکانودی ایپ آئی آر ءِ بابت ءَ وسیم سپر ءِ گوشگ اِنت کہ بلوچستان ءَ ریاستی توانمند ھندی ءُ میان استمانی کانوداں لگتمال کنگ ءُ پہ زور سیاسی توارانی دارگ ءَ ھمک روچ یک نوکیں پندلے سازگ ءَ اَنت۔
آئی ءَ گوشتگ کہ سی ٹی ڈی ءَ منی بگیری ءَ دروگیں ارزی نبشتگ ءُ من ءَ درکانودی پابند کنگ ءِ جھد ءَ اِنت۔ اے ارزی ءَ منی بگیری ءَ چہ سی ٹی ڈی ءِ نیمگ ءَ منی سر ءَ چے بھتام جنگ بیتگ من اے بابت ءَ ھچ سرپد نہ آں، نیکہ اے وڑیں کانودی چیزے ءِ بابت ءَ من تانہ ءُ پولیس اسٹیشنے ءَ لوٹگ بیتگ آں۔
