بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که 12 مئی ءَ بی ایل ایپ ءِ سرمچاراں شپ ءِ ھپت داں یازده ءِ میان ءَ بارکان ءِ ھند راڑشم ءَ پنجاپ ءَ روکیں شھدگ بستگ، ھمے میان ءَ بازیں کچے ءَ پنجاپی پجارگ بیتگ بلے چوش که آ لشکر ءُ چیریں ادراھانی کارمند نه بیتگ اَنت یل کنگ بیتگ اَنت، ما اے گپ ءَ تچک کن اِیں که مئے دژمن لس پنجاپی نه اَنت بلکیں ھما پنجاپی اَنت که پاکستانی لشکر، چیریں اداره ءُ شونداتی ادارھاں ھوار گوں ریاستی توان ءِ چیردستی ءَ بلوچستان ءِ ته ءَ زورگری، بلوچ ءِ چکچینی شونداتانی جوڑ کنگ ءٌ مڈیانی لوٹ ءُ پل ءِ زمه وار ءُ در انسانی کاراں ھوار اَنت۔
آئی ءَ گوشتگ که 12 مئی ءِ شپ ءِ ادار شش ءِ نزیک ءَ کچی ءِ ھند کناڈو ءَ بی ایل ایپ ءِ سرمچاراں لیویز ءِ چوکی انگر کرتگ ءُ چوکی ءِ درسیں سرکاری سلاه گپتگ اَنت ءُ لیویز کارمند یل کرتگ اَنت.
جارکش ءَ گوشتگ که 12 مئی ءَ دگه یک کاروائی یے ءَ بی ایل ایپ ءِ سرمچاراں آواران ، کولواه، گشانک ءَ نیمروچ ءِ دو ءَ زورگریں پاکستانی لشکر ءِ چیردستی کارکنوکیں کشنده ٹولی ءِ سلاه بندیں کارمندانی سر ءَ ٹوھیں اُرشے کرتگ، سرمچارانی ءُ کشنده ٹولی ءِ میان ءَ اُرش داں دیر ءَ برجاه بیتگ ءُ ھمے میان ءَ زورگریں پاکستانی لشکر ءِ کاروانے ھم په کشنده ٹولی کمک ءَ سر بیتگ، سرمچارانی اُرش ءَ کشنده ٹولی ءِ پنچ کارمند مرتگ که آیانی ته ءَ نادر ء کاسم جاه منند پروار مشکے ھم ھوار اِنت، چه سوبمندیں اُرش ءَ پد سرمچار په سلامتی وتی مھکمیں بندراں سر بیتگ اَنت۔
آئی ءَ گوشتگ که بی ایل ایپ یکبرے پد ءَ چه رسانکدر ءِ پارست ءَ آواران ءِ مھلوک ءَ گوش ایت که آ وت ءَ چه کشنده ٹولی ءِ سروک اورنگزیب بزنجو ءَ دور به دار اَنت ءُ وتی ورنائیں زھگاں ھم گوں آئی ءَ نزیکی کنگ ءَ دور به دار اَنت چی ءَ که آ زورگریں لشکر ءِ دلّار اِنت ءُ گوں کسان کسانیں لب ءُ کار ءُ بار ءِ لالچ ءَ ورنایاں بلوچ چکچینی ءِ شوندات ءَ ھوار کنت۔
جارکش ءَ گوشتگ که 12 مئی 2025 ءِ شپ ءَ بلوچستان ءِ ھند گریشگ گونی ءَ بی ایل ایپ ءِ سرمچاراں تر ءُ گرد کرتگ ، ھمے میان ءَ گوں لیویز کارمنداں دچار کپتگ اَنت، سرمچاراں لیویز کارمند دزگیر کرتگ اَنت آیانی سلاه گپتگ اَنت ءُ آ یل کرتگ اَنت.
میجر گھرام بلوچ ءَ وتی دگه یک شنگ کرتگیں درشانے ءَ گوشتگ کہ دوازدہ مئی 2025 ءِ بیگاہ ءِ ادار چار ءِ نزیک ءَ بی ایل ایپ ءِ سرمچاراں کولواہ، شاھو باتل ءَ برجاھیں زورگریں پاکستانی لشکر ءِ چوکی ءِ سر ءَ چہ دو نیمگاں اُرش کرتگ۔ ایشی آسر ءَ زورگریں پاکستانی لشکر ءَ جانی ءُ مالی تاوان بوتگ۔
آئی گوشتگ کہ 13 مئی 2025 ءِ سھب ءِ ادار ھپت ءِ نزیک ءَ جاھو ءِ ھند گزی سوادان ءَ بندساچی شرکت ءِ پھازداری کنوکیں پاکستانی لشکر ءِ کارمند ھما وھد ءَ گوں چیر کرتگیں شورھاں نشانگ کرتگ اَنت کہ آ وتی سنگر ءِ نیمگ ءَ روگ ءَ بوتگ اَنت کہ اود ءَ بی ایل ایپ ءِ سرمچاراں پیسر ءَ تراکناکیں شورہ کل کرتگ انچوش کہ آ وتی سنگر ءَ سر بوتگ اَنت ترک اِتگ۔ چہ ایشی آسر ءَ دو کارمند جاھی مرتگ ءُ دو سکا ٹپی بوتگ۔
جارکش ءَ اے درسیں اُرشانی زمہ واری من اِتگ ءُ گوشتگ کہ داں بلوچستان ءِ آجوئی، وتواجھی ءُ پاکستانی لشکر ءِ سرجم ءَ در آھگ ءَ میڑ ءِ برجاہ دارگ ءِ کول ءَ کن ایں۔
