گوادر: زورگریں پاکستانی لشکر ءَ زی تاھر نامیں مردمے آوار جتگ ءُ بیگواہ کرتگ۔
زوربیگواھیں تاھر ء اللہ بکش ءِ کھول ءِ گوشگ اِنت کہ تاھر دشت ھورشولیگ ءِ جاہ منند اِنت آئی ءَ گاڑی یے گوں اِنت کہ آ تیل ءِ کار کنت ءُ دوشمبے ءِ روچ ءَ چہ گْوادر ءَ بیگواہ کنگ بوتگ۔
کھول ءَ گوشتگ کہ تاھر وتی گاڑی پہ شر کنگ ءَ گیراج ءَ برتگ کہ چہ ھمود ءَ بیگواہ بوتگ وھدے کہ ما پٹ ءُ لوٹ کرتگ پاکستانی لشکر (کوسٹ گارڈ) ءَ گوشتگ تاھر مئے کر ءَ بندیگ اِنت ما آئی ءَ یل کن ایں بلے وھدے کہ ما دومی بر ءَ جست کرتگ کوسٹ گارڈ چہ وتی گپ ءَ بجّ اِتگ۔
کھول ءَ گوشتگ کہ تاھر کاروباری مردمے ءُ آئی ءَ گوں ھچ رنگیں سْیاسی چست ءُ ایراں کار نیست۔
