گوادر:گْوادر چہ جیمڑی، پلیری ءَ ورنایے ءِ تیرسپتگیں لاش دزکپتگ۔
اھوالکار ءِ رد ءَ کشگ بیتگیں مردم ءِ نام سوپی تارک ء ابراھیم اِنت ءُ جیمڑی ءِ میتگ پانوان ءِ جاه منند اِنت که زی ءَ بیگاہ ءَ پاکستانی چیریں ادارھانی کارمنداں چه پانوان ءَ آوار جتگ ءُ بیگواه کرتگ، مرچی سھب آئی ءِ تیر سپتگیں لاش پلیری ءِ نزیک ءَ دزکپتگ۔
کشگ بیتگیں سوپی تارک ءِ بابت ءَ انچش گوشگ بوگ ءَ اِنت که چه ایشی ءَ پیش ھم یکبرے 22 پروری 2023 ءَ گوں وتی برات سلمان ابراھیم ءِ ھمرائی ءَ پاکستانی لشکر ءَ چه پانوان ءَ آوار جتگ ءُ بیگواه کرتگ اَنت.
