بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں 29 اپریل سے شمبے ءِنیمروچ ءِ یک ءَ پنجگور ءِ ھند چتکان بازار ءَ لشکر ءِ کارمندانی سر ءَ ارش کرتگ ءُ گوں نوکیں سلاھاں نشانگ کرتگ اَنت۔ ایشی آسر ءَ زورگریں لشکر ءِ دو کارمند جاھی مرتگ۔
آئی ءَ گوشتگ کہ زورگریں لشکر بلوچ سرمچارانی ترس ءَ لس مردماں پہ وتی مول ءَ کارمرز کن اَنت ءُ آیاں پہ سامان زورگ ءَ دیم دے اَنت۔
میجر گھرام ءَ ارش ءِ زمہ واری من اتگ ءُ گوشتگ کہ لس مردماں کڈن کن ایں کہ آ چہ لشکر ءَ دور بہ بنت چی ءَ کہ کجام وھد ءَمئے سرمچار آیاں نشانگ کن اَنت ما نہ لوٹ ایں کہ چہ مئے کاروائیاں لس مردماں دگہ تاوانے بہ بیت۔
