مستونگ: زورگریں پاکستانی لشکر ءَ مستونگ ءِ ھند اسپلنجی ءَ لشکرکشی ءِ میان ءَ میتگاں بیڑ برتگ ءُ سے دکاندار ءَ ھوار پنچ مردم آوار جتگ ءُ بیگواه کرتگ۔
بنشون ءِ رد ءَ چه آوار جنگ بیتگیں مردماں دو مردم ءِ نام یونس ء بشام ءُ بلال ء شیر اھمد اِنت ءُ آدگه مردم انگت پجارگ نه بیتگ اَنت۔
زورگریں پاکستانی لشکر ءِ لشکرکشی ، زوراکی ءُ درکانودی بیگواھیانی بگیری ءَ دمگ ءِ مردماں چه بازار ءَ دیم ایپ سی ءِ بنجل ءَ زھرشانی روانکے کش اِتگ۔
زھرشانی کنوکاں گوشتگ که پاکستانی لشکر ھر روچ گسانی سر ءَ بیڑ بارت ءُ چادر ءُ چار دیوالیاں پادمال کنت، پاکستانی لشکر لس مردماں درکانودی آوار جنت ءُ ایپ سی ءِ بنجل ءَ بارت ءُ آزار دنت اِے آیانی ھمک روچ ءِ کار اِنت ، چه ایشی ءَ اسپلنجی ءِ مردم زھرشانی کنگ ءَ لاچار اَنت ، اگاں لشکر وتی زوراکیانی درچ ءَ بند مه کنت گڑا ما زھرشانیاں گیش کن اِیں۔
