بلیدہ: پجار نہ بوتگیں سلاہ بندیں مردماں ورنایے آوار جتگ۔
آوار جتگیں ورنا ءِ نام امر جان ء ھسن اِنت کہ بلیدہ گلی ءِ جاہ منند اِنت۔ سھبی چہ گس ءَ درکپتگ کہ گاڑی ءَ سواریں سلاہ بندیں مردماں آوار جنگ ءَ پد بیگواہ کرتگ۔
بیگواہ کرتگیں امر جان ءِ کھول ءَ گوشتگ کہ اُمر جان ءِ ھچ وڑیں وت ما وتی جیڑہ نیست ءُ آ یک پُرایمنیں شھری یے انت۔ آئی زوربیگواھی ءَ سرجمیں کھول سسائی نادراھی ءِ آماچ بوتگ۔
اُمر جان ءِ کھول ءَ چہ سرکار ءَ پہ امر جان ءِ زوتیں آجوئی ءَ گامگیج زورگ ءِ لوٹ کرتگ ءُ گوشتگ کہ انتزامیہ اُمر جان ءِ آجوئی ءَ دلجمی بہ کنت ءُ اُمر جان ءِ آوار جنوکیں مردماں کانود ءِ رد ءَ سزا بہ دنت۔
