کیچ: چہ تربت ءَ گاڑی سواریں سلاہ بندیں مردماں ورنایے آوار جتگ ءُ گوں وت برتگ۔
بنشون ءِ رد ءَ آوار جنگ بوتگیں ورنا ءِ نام زکریا آسمی اِنت کہ آ نودربرے۔ پجار نہ بوتگیں سلاہ بندیں مردماں مرچی بیگاہ ءَ چہ سٹلائٹ ٹاون ءَ آوار جتگ ءُ گوں وت برتگ۔
ھندی بنشون ءِ رد ءَ زکریا پرپٹ ءِ سر ءَ روگ ءَ بیتگ کہ سلاہ بندیں مردماں گاڑی ءِ سر ءَ چہ پشت ءَ ٹکرے جتگ ءُ دور داتگ پد ءَ آوار جتگ ءُ گوں وت برتگ۔
زکریا ءِ کھول ءَ آئی آوار جنی ءِ گپ راست کرتگ ءُ گوشتگ کہ زکریا سھب ءَ وانگجاہ ءَ وانگ ءَ روت ءُ بیگاہ ءَ دکان ءَ کار کنت۔ کیچ انتزامیہ پہ زکریا ءِ یل کناھینگ ءَ زوت گامگیج بزور ایت۔
