سندھودیش روولیوشنری آرمی(ایس آر اے) ءِ جارکش سوڈو سندی ءَ ماں رسانکدر ءَ وتی شنگ کرتگیں درشانے ءَ جامشورو ءَ پولیس چوکی ءِ سر ءَ ارش ءِ زمہ واری من اتگ ءُگوشتگ کہ سند پولیس پنجاپی لشکر ءُ چیریں ادارھانی چاریگی ءَ کنگ ءُ پہ سند ءِ سیاسی زھرشانیاں دارگ، وانگجاھانی سر ءَ ارش کنگ ءُ سائیں جی ایم سید ءِ سالروچ ءِ پروگرامانی دیم ءَ اڑاند ودی کنگ ءُ سند ءِ لس مردم ءُ راجی کارکناں ترسینگ ءَ اَنت۔ دزگیر کنگ، زورگساں بیڑ برگ ءُ کھولاں کمشرپ کنگ ءُ بے میاریں مردمانی جنگ ءَ ھم ھوار اَنت۔
آئی ءَ گوشتگ کہ مرچی سند وتی سر ءَ ناھکیں راجی ایردستی ءِ بگیری ءَ کینگداری ءَ پیش دارگ ءُ سند کور ءِ شش گوز ءِ کشوک ءُ گرین پاکستان شوربندی ءِ پارست ءَ سند ءِ لکانی کچ ءَ ایکڑ ڈگارانی بھا کنگءِ ھواری ءَ درسیں آدگہ سند دژمنیں شوربندیانی بگیری ءَ اوشتاتگ، اود ءَ سند پولیس پاکستان پیپلز پارٹی ءِ دلاری کنگ ءِ کرد ءَ پیلو کنگ ءَ اِنت۔
جارکشءَ گوشتگ کہ ایس آر اے سند پولیس ءَ کڈن کنت کہ آئی وتی ناشریں کار یل نہ کرت اَنت گڑا آیانی بگیری ءَ ارش تیز کنگ بنت۔
سوڈو سندی ءَ وتی درشان ءِ گڈی ءَ گوشتگ کہ ایس آر اے داں سند ءِ آجوئی ءَ وتی گھگیری جھد ءِ برجاہ دارگ ءِ کول ءَ کنت۔
