شال: بلوچ یکجھتی کمیٹی ءِ سروک ڈاکٹر ماہ رنگ بلوچ ءُ آدگہ سروکانی ناھکیں دزگیری ءِ بگیری ءَ بلوچستان ءِ جتا جتائیں ھند ءُ دمگاں زھرشانی کنگ بیتگ۔
زھرشانیاں بلوچ یکجھتی کمیٹی ءِ باسکاں ھوار جتائیں بھرگاں سیادی داروکیں مردماں بھر زرتگ ءُ پہ بی وائی سی ءِ سروکانی یل کنگ ءُ بلوچستان ءَ ریاستی زوراکیانی بند کنگ ءِ لوٹ کرتگ۔
چوش کہ اے وھد ءَ بلوچ یکجھتی کمیٹی ءِ سروک ڈاکٹر ماہ رنگ بلوچ، سبگت اللہ شاہ جی، بیبگر بلوچ ، بیبوبلوچ ءُ گلزادی بلوچ پولیس ءَ ناھک ءَ دزگیر کرتگ ءُ بندیگ کرتگ اَنت۔
بلوچ یکجھتی کمیٹی ءِ سروکانی دزگیری ءِ بگیری ءَ سرجمیں بلوچستان ءَ ابید میان استمانی تک ءَ ھم زھرشانیانی درچ برجاہ اِنت۔
