جرمنی: بلوچ ریپبلکن پارٹی ( بی آر پی ) ءِ نیمگ ءَ بلوچستان ءَ پاکستانی لشکر ءِ برجاھیں زوراکیانی بگیری ءَ جرمنی ءِ شھر کوبلنز ءَ زھرشانی کنگ بیتگ۔
زھرشانی ءَ بھر زرتگیں مردماں بلوچستان ءَ انسانی ھکانی ناھکیں بگیری، زوریں بیگواھی، دروگیں میڑاں کوش ءُ پاکستانی لشکر ءُ چیریں ادارھانی دست ءَ زور بیگواھیں مردمانی ناھکیں کوش گوں ترندیں دانکاں ایر جتگ۔
بی آر پی ءِ کارکناں گوں میان استمانی تک، انسانی ھکانی گل ءُ شرپمندیں جھان ءَ لوٹ کرتگ کہ آ بلوچستان ءَ برجاھیں ریاستی زوراکیانی بابت ءَ دلگوش ءَ گور بہ کن اَنت ءُ زوریں بیگواھی ءِ ھلاسی ءُ لس بلوچانی پہ ھکانی پھازداری ءَ ترندیں گامگیج زورگ ءِ لوٹ کرتگ۔
