بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ نو اپریل ءَ شپ ءِ اَدار دہ ءُ چل ءَ چیریں ھالانی بنیاد ءَ بی ایل ایپ ءِ کربان یونٹ ءِ سرمچاراں کاروائی کرتگ ءُ پولیس ءِ گاڑی ءِ سر ءَ اُرش کرتگ کہ ایشی ءِ آسر ءَ پولیس ءِ سروگان ابدُلولی تنولی ءَ ھوار سے کارمند ھما وھد ءَ مرتگ، ھمے وڑ ءَ دو سک اٹپی بیتگ۔
آئی ءَ گوشتگ کہ سرمچاراں مرتگیں دو پولیس کارمند ءِ سلاہ ھم زرتگ اَنت۔
جارکش ءَ گوشتگ کہ شال ءِ پولیس گوستگیں روچاں بلوچ جنین ءُ زھگانی آوار جنی ءِ پیمیں دزگیری ، آزار ءُ بلوچ پسّگانی کوش ءَ ھوار بیتگ۔
آئی ءَ گوشتگ کہ بی ایل ایپ مرچی رسانکدر ءِ پارست ءَ گوشگ لوٹ ایت کہ ھما پولیس کارمند کہ بلوچ ءِ بگیری ءَ کار ءَ ا َنت گوں آیاں زورگریں پاکستانی لشکر ءِ پیم ءَ پیش بہ این ءُ چیریں ھالانی بنیاد ءَ آیانی بگیری ءَ گوں ترندی ءَ اُرش برجاہ بنت۔
جارکش ءَ گوشتگ کہ ما بلوچ راج ءِ سر ءَ بیوکیں زوراکی ءُ کوش ءِ بیر ءَ آجوئی ءِ دروشم ءَ گر اِیں ءُ دژمن ءَ ھمک جنگ ءَ مھکمیں پسّو دے اِیں ۔ مئے گڈی مول بلوچ ءِ راجی آجوئی اِنت ءُ اِے جنگ داں بلوچ راج ءِ آجوئی ءَ برجاہ بیت۔
میجر گھرام بلوچ ءَ اُرش ءِ زمہ واری من اِتگ ءُ گوشتگ کہ داں بلوچستان ءِ آجوئی ءَ زورگریں لشکر ، لشکری شوربندی ءُ دژمن ءِ چریکاں نشانگ کن اِیں۔
