بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل ایپ ءِ پٹ ءُ پولی ٹولی ءِ جست ءُ پرس ءُ نشانگ دیگ ءَ پد سرمچاراں دو ریاستی چاریگ امان ء بیبرگ ءُ ادنان ء ھدا بکش دزگیر کرتگ اَنت ءُ گل ءِ آمیدگس ءَ پیش کرتگ اَنت۔ اے دوئیناں سک دیر اِنت کہ گل ایشانی راجی میارباری ءِ سر ءَ شکی بیتگ ءُ ریاستی چیریں ادارہ، ایم آئی ءِ ھندی کشندہ ٹولی ءِ سروک سئید ء تھسیلدار آبد ءِ سروکی ءَ کار ءَ بیتگ اَنت۔
آئی ءَ گوشتگ کہ جست ءُ پرس ءِ میان ءَ دوئیں میارباراں وتی میارباری من اتگ۔ امان بیبگر ءَ من اتگ کہ آ تمپ ءِ ھند دازن، گومازی ءُ آزیان ءَ ھوار آدگہ ھنداں بلوچ ورنایانی زوریں بیگواھی ءُ شھید کناھینگ ءَ تچک ءَ ھوار بیتگ۔ ادنان ء ھدا بکش زورگریں لشکر ءِ ھونیگیں لشکرکشی، لٹ ءُ پل، دزی ءُ چارگردی ناشرکاریانی ھوار بوگ من اتگ۔ دوئیں میارباراں دگہ چنچو ریاستی چاریگانی نام داتگ آ زوت سزا دیگ بنت۔
جارکش ءَ گوشتگ کہ دلجمیں جست ءُ پرس، منگ ءُ منانکانی بنیاد ءَ گل ءِ آمیدگس ءَ دوئیں میاربار مرگ ءِ سزا داتگ اَنت۔ ھمیشی سر ءَ 29 مارچ ءُ 5 پروری 2025 ءَ کارکنگ بیتگ۔ سرمچاراں آمیدگس ءِ پیسلہ ءِ سر ءَ کار کرتگ ءُ امان 29 مارچ 2025 ادنان 5 پروری 2025 ءَ تیرگواری کرتگ ءُ کشتگ اَنت۔ آیانی منگ ءِ تامربند گل ءِ کِر ءَ اِنت کجام وھد ءَ ھژدری بوت لس مردمانی دیم ءَ پیش کنگ بیت۔
آئی ءَ گوشتگ کہ دگہ یک کاروائی یے ءَ سرمچاراں 4 پروری 2025 ءَ ریاستی چاریگ پھد ء مجید جاہ منند تمپ کوھاڑ، مند ءِ ھند ریک بازار ءَ تیرگواری کرتگ ءُ کشتگءُ آئی گاڑی ءَ ھوار آدگہ سامان ھم برتگ اَنت۔
جارکش ءَ گوشتگ کہ پھد ءَ چنچو وھد اِنت کہ ھندی کشندہ ٹولی ءِ سروک سئید ء تھسیلدار آبد ءِ سروکی ءَ کار ءَ بیتگ ءُ بلوچ جھدکارانی کھولانی ترسینگ، آیانی آزار دیگ، آیانی گسانی ماندارگ، چہ گسان گرانھادیں سامانانی دزی ءُ بلوچ ورنایانی زوریں بیگواہ کنگ ءَ تچک ءَھوار بیتگ۔ اے چہ گل ءِ نیمگ ءَ باز رند ءَ کڈن کنگ بیتگ بلے آئی وتی میارباری یل نہ داتگ اَنت، ھمے درگت ءَ سرمچاراں چہ گل ءِ پیسلہ ءَ تیرگواری کرتگ ءُ کشتگ۔
میجر گھرام ءَ گوشتگ کہ بی ایل ایپ تچک کنت کہ آ زورگریں ریاست ءِ ھندی چاریگاں کدی نہ بکش ایت۔ گل ھمے درسیں مردماں کڈن کنت کہ کسے کہ پہ دژمن ءِ مول ءَ راجی زرمبشت ءِ بگیری ءَ سرگرم اِنت آئی ءَ الم جست کنت۔ بی ایل ایپ ءِ ھند ءِ درسیں مردماں گوش ایت کہ آ چہ ریاستی چاریگاں وتی ھرپیمیں ھمگرنچیاں ھلاس بہ کن اَنت چی ءَ کہ سرمچار آیاں کجام وھد ءَ ھم نشانگ کن اَنت۔
