بلوچ لبریشن آرمی( بی ایل اے ) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ مرچی مئے سرمچاراں جیونی ءُ نوشکے ءَدو جتائیں کاروائیاں زورگریں پاکستانی لشکر نشانگ کرتگ ءُ آئی ءَ جانی ءُ مالی تاوان داتگ۔
آئی ءَ گوشتگ کہ بنداتی کاروائی مرچی روبرکت ءَ گوادر ءِ ھندجیونی ءِ شھدگ ءَ گبد ءَ کرتگ۔ مئے سرمچاراں دژمن ءِ یک گاڑی یے گوں چیرکرتگیں شورھاں نشانگ کرتگ۔ ارش ءِ آسر ءَیک کارمندے جاھی مرتگ ءُ چار ٹپی بیتگ، گاڑی سکا تاوان بیتگ۔
جارکشءَ گوشتگ کہ دومی کاروائی نوشکے ءِ ھند کادر آباد ءَ کرتگ، اود ءَ مئے سرمچاراں دژمن ءِ یک پرکاریں لشکری کارمندے زاھر ء گوھر ھان مینگل نشانگ کرتگ ءُ کشتگ۔ اے مردم نہ تیوک ءَ پاکستانی لشکر ءِ کارمندے بیتگ بلکیں آئی پہ چیریں ادارہ ملٹری انٹیلی جنس ( ایم آئی ) ءَ کار ءَ بیتگ۔ انوگیں روچاں رکشہ ڈرائیورے ءِ دروشم ءَ نوشکے ءُ کِر ءُ کشاں چاریگی کنگ ءَ بیتگ۔
آئی ءَ گوشتگ کہ اے کارمند زورگریں لشکر ءَھندی پارست ءَ کمک کنگ ءَ بیتگءُ مئے گل شک بیتگ۔ مرچی آ گڈی آسر ءَ سر کنگ بیتگ۔
جیھند بلوچ ءَ گوشتگ کہ ما یکبرے پد ءَ تچک کن ایں کہ زورگریں لشکر ءُ آئی کمکار کجا کہ بہ بنت آیاں نشانگ کن ایں۔ مئے جھد پہ بلوچ راجی آجوئی ءُ وتواکی ءَ اِنت ءُ اے کاروائی ھمے درچ ءِ بھر اِنت۔
