آواران: مشکے ءَ زورگریں پاکستانی لشکر ءَ دگہ نادر نامیں ورنایے شھید کرتگ۔
اھوالکار ءِ رد ءَ نادر ء شیر مھمد ھیبواڑی مشکے کندڑی ءِ جھمنند اِنت ءُ دوشی پاکستانی لشکر ءَ چہ گس ءَ آوار جتگ ءُ مرچی آئی تیرسپتگیں لاش دزکپتگ۔ شھید کرتگیں نادر شھید ابدُلھالک پنام سردو ءِ وسرک انت۔
چوش کہ زورگریں پاکستانی لشکر ءِ نیمگ ءَ سی ءُ دو روچانی میان ءَ چہ مَشکے ءَ اے دوازدھمی ورنا اِنت کہ شھید کنگ بیتگ۔
چہ ایشی ءَ پیش پاکستانی لشکر ءَ زھیر نیاز ء نیاز مھمد، ارشاد واھد ء ابدُلواھد، سیپ ء ابدُلتیپ ، توسیپ ء ازیم، کامران ء مھمدآلم، مھراج ء نیاز مھمد، مومن ء اسلم ءُ ھپیز، زھور ء ھزور، شاھنواز ء جلال ءُ ھبیب ء ائیدو کشتگ ءُ آیانی لاش چگل داتگ اَنت۔
