بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل ایپ ءِ سرمچاراں کیچ ءَ زورگریں پاکستانی لشکر دو جتائیں اُرشاں نشانگ کرتگ ءُ سکا جانی تاوان ءِ دیمپان کرتگ.
آئی ءَ گوشتگ که سرمچاراں سے اپریل ءَ سھب ءِ ھشت ءُ نیم ءِ نزیک ءَ کیچ ءِ ھند مند مھیر ءُ بلوچ آباد ءِ میانجی ءَ زورگریں پاکستانی لشکر ءِ پیادگیں کارمند ھما وھد ءَ گوں چیرکرتگیں شورھاں نشانگ کرتگ اَنت که آ دگ ءَ پٹ ءُ پول کنگ ءَ بیتگ اَنت. اُرش ءِ آسر ءَ پنچ کارمند ھما وھد ءَ مرتگ ، ھمے وڑ ءَ گوں پیراملٹری لشکر 165 ونگ ءَ بندوکیں نائیک ولی مھمد کاکڑ ءَ ھوار دو کارمند ٹپی بیتگ.
جارکش ءَ گوشتگ که اُرش ءَ پد زوت لشکر ءِ یک ھلی کاپٹرے ءُ 17 گاڑیانی کاروانے سر بیتگ ءُ مرتگیں ءُ ٹپی بیتگیں کارمندانی لاش گوں وت برتگ اَنت ءُ تربت ءِ مزنیں بنجل ءِ نیمگ ءَ شتگ اَنت.
آئی ءَ گوشتگ که دگه اُرشے ءَ سے اپریل ءِ شپ ءِ ھپت ءُ چل ءَ مند ءِ میتگ سورو ءَ ایم آئی ءِ کارگس گوں دستی بمب ءَ نشانگ کرتگ. دستی بمب کارگس ءِ ته ءَ کپتگ ، ایشی آسر ءَ آیاں جانی ءُ مالی تاوان بیتگ.
جارکش ءَ گوشتگ که بلوچ سرمچار ھمک جنگ ءَ دژمن ءَنشانگ کنگ ءُآئی ءَ سکا جانی ءُ مالی تاوان ءِ دیگ ءَ اَنت، پمشکا دژمنیں لشکر په وتی پروش ءِ چیر دیگ ءَ مرتگیں کارمندانی پجار ءِ گوشگ ءَ ترس ایت که آ وتی لشکر ءِ توکل ءَ برجاه به دار ایت۔
میجر گھرام ءَ اُرشانی زمه واری من اِتگ ءُ گوشتگ که داں بلوچستان ءِ آجوئی ءَ زورگریں لشکر ءُ آئی ءِ چریکاں نشانگ کن اِیں۔
