شال: 3 اپرل 2025 ءَ بلوچ نیشنل موومنٹ ( بی این ایم ) ءِ آئی ٹی ءُ رسانکدری تک ءِ جھلی ادارہ بلوچ شھیدانی کونسل ( شھیدانی تاک ) ءَ اپریل ءِ ماہ ءِ جتائیں سالانی وتی جان ءِ دیمونی دیوکیں 28 ءَ بلوچ شھیدانی لڑ شنگ کرتگ۔
چہ کونسل ءِ نیمگ ءَ گوشگ بیتگ کہ اے لڑ ناسرجم اِنت بلکیں انوگیں یاداشتانی بنیاد ءَ جوڑ کنگ بیتگ، بلے اپریل ءِ شھیدانی سرجمیں کچ ءِ چد ءُ گیش بوگ ءِ گمان اِنت۔
نامداریں مردمانی تہ ءَ شھید گلام مھمد بلوچ، لالا منیر بلوچ ءُ شیر مھمد ھم ھوار اَنت کہ آ 9 اپریل 2009 ءَ مرگاپ ءَ کشگ بیتگ اَنت۔ اے لڑ ءَ سیاسی کارکن ھوار اَنت انچوش کہ نزر جان مھمد شھی اِنت آ 1977 ءَزور بیگواہ کنگ بیتگ اَت ءُ آئی شھید بوگ ءِگمان کنگ بیت۔ آئی لاش ءُ نشان دزنہ کپتگ اَنت۔ آدگہ نامداریں مردمانی تہ ءَ بیت اللہ، سدیک ائیدو، یوسپ نذر ءُ استاد الی جان ھوار اَنت کہ آیان ءَ پاکستانی لشکر ءَ آوار جنگ ءَ پد کشتگ۔
آئی ءَ دیمتر ءَ گوشتگ کہ چہ ایشاں ابید اے لڑ ءَ میجر نورا ءِ گپ ھست، آ 26 اپریل 2020 ءَ پروم پنجگور ءَ شھید بیتگ ءُ شاری ھیات کہ آ 26 اپریل 2022 ءَ کراچی زانشتجاہ ءَ شھید بیتگ۔ ھمے وڑ ءَ 21 اپریل 2015 ءَ گورجک مشکے ءَ شھید بیتگیں مردمانی نام ھوار اِنت کہ آیانی تہ ءَ شاھنواز، اجاز پزل، آپتاب پزل ءُ باسد ندیم ھوار اَنت۔
وتی درشان ءَ شھیدانی تاک ءَ شھیدانی ریکارڈانی سرجم ءَ نبشتھی رنگے ءَ شنگ کنگ ءِ کول کرتگ۔ کونسل جتائیں پارمیٹ ءُ ڈیٹایاں یکجاہ کنت دانکہ آ لس مردمان ءَ دوست بہ بنت ءُ مھکم کنگ بہ بنت۔ ھما مردم کہ نوکیں یا چیزے ءَ شر کنگ لوٹ ایت گڑا کونسل ءِ وٹسپ نمبر ءَ ھال بہ کنت۔ : https://wa.me/31687507964
