بلوچ یکجھتی کمیٹی ءِ نیمگ ءَ بلوچ چکچینی ءِ بگیری ءَ چارشمبے ءِ روچ ءَ بارکان ءُ کوھلو ءَ زھرشانی کنگ بوتگ۔ تونسہ شریپ ءَ پولیس ءَ زھرشانی کنوکیں مردم دزگیر کرتگ اَنت۔
زھرشانی ءَ زور بیگواھیں مردمانی کھول، زھگ ءُ جنینانی ھواری ءَ جتائیں بھرگاں سیادی داروکیں مردماں بازیں کچے ءَ بھر زرتگ۔
زھرشانی کنوکیں مردماں زور بیگواھیں مردمانی اکس، بینر ءُ پلے کارڈ دستاں بوتگ ءُ پلے کارڈانی سر ءَ جتائیں اوگام نبشتہ بوتگ۔
زھرشانی کنوکیں مردماں پاکستانی لشکر ءِ زوراکیانی بگیری اوگام جتگ ءُ بی وائی سی ءِ نیمگ ءَ اسلام آباد ءَ برجاھیں زھرشانی نندانک ءِ لوٹانی منگ ءِ لوٹ کرتگ۔
بلوچ یکجھتی کمیٹی ءِ نیمگ ءَ تونسہ شریپ ءَ بیوکیں زھرشانی ءَ پیش پنجاپ پولیس ءَ زھرشانی کنوکیں مردم چل ءَ گیش آوار جتگ ءِ بیگواہ کرتگ۔
