شال: گوستگیں شپ ءَ پاکستانی لشکر ءُ چیریں ادارھانی کارمنداں سیاسی ءُ چاگردی کارکن زھیر بلوچ چہ گس ءَ دزگیر کرتگ۔
زھیر بلوچ ءِ دزگیر کنگ ءِ گپ کھول ءَ راست کرتگ ءُ گوشتگ کہ دوشی اَدار یازدہ ءَ پاکستانی لشکر ءُ ریاستی کارمنداں 3 ایم پی او ءِ رد ءَ چہ گس ءَ دزگیر کرتگ ءُ ھدہ بندیگجاہ ءَ بند کرتگ۔
کھول ءَ گوشگ اِنت کہ زھیر بلوچ کماشیں مردمے ءُ آ نادراہ اِنت کہ بندیگ کنگ بیتگ چہ ایشی ءَ ما سکا پریشان ایں۔
کھول ءَ گوں ریاستی ادارھاں آئی ءِ یل کنگ ءِ لوٹ کرتگ۔
