مستونگ: چہ کوہ چلتن دامنءَ برجاھیں زھرشانی نندانک ءَ بلوچستان نیشنل پارٹی ءِ سروک اکتر مینگل ءَ تران کرتگ ءُ گوشتگ کہ بیا اِت کول کن ایں دانکہ بندیگیں جنین گساں سر نہ بنت ما ھم گس ءَ نہ رویں، زی سرکارءَ گوں وتی پِرکیں ڈرون ءَ مئے نندانک ءِ اکس گپتگ ءُ ھمے پیش داشتگ کہ مئے نندانک ءِ کچ چنچو کم اِنت۔ من آئی ءَ گوش آں کہ مرچی وتی مزنیں پرک ( ھیلی کاپٹر ) ءَ بیار ءُ نندانک ءِ کچ ءَ پچار کہ چنچوک اِنت۔
آئیءَ گوشتگ کہ مرچی چلتن ءِ کوہ گندگ ءَ اَنت کہ ما پہ وتی جنینانی آوارجنیءَ چنچو تکانسر ایںءُ دومی نیمگ ءَ چلتن پہ وتی جاہ مندانی نادزرسی ءَ چنچو گریوگ ءَ اِنت۔
سردار اکتر مینگل ءَ گوشتگ کہ ما سرکار ءَ دو روچ ءِوھد دیں اگاں مئے بندیگیں جنین یل کنگ نہ بوت اَنت ما روانک ءِ دروشم ءَ شال ءَ رو ایں۔
