بلوچ یکجھتی کمیٹی ءِ سروک ڈاکٹر سبیہ بلوچ ءَ ماں چاگردی رسانکدر ایکس ءَ نبشتگ کہ سردار اکتر مینگل ءِ کاروان ِءِ سر ءَ وتکش ارش ریاست ءِ ھما شوندات ءِ بھر اِنت ، ھمیشی پدر کنت کہ مارابلوچستانءُ آئی مڈی درکار اَنت، بلے لس بلوچ نہ اَنت۔
آئی ءَ گوشتگ کہ ریاست نوں پہ ھمے مڈی ءُ مئے سرڈگارءِ دستیگ کنگ ءَ ھمک ھما بلوچ ءِ کشگ ءِ جھد ءَ کنت آ پہ بلوچ راجی ھکاں توار چست کنت۔
بی وائی سی ءِ سروک ءَ گوشتگ کہ نوں بلوچ راج ءَ چک ءُ پد بوگ نہ لوٹ ایت وتی میان ءَ ھمسنتی ودی بہ کن اَنت ، چی ءَ کہ ریاستی زوراکی ءُ رستری ءِ بگیری ءَ ھواریں جھد ءَ ابید پما دگہ ھچ پشت نہ کپتگ۔
