بلوچ لبریشن آرمی ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که کلات ءَ اُرشے ءَ زورگریں پاکستانی لشکر نشانگ کرتگ ءُ سکا جانی تاوان داتگ۔
آئی ءَ گوشتگ که بی ایل اے ءِ سرمچاراں کلات ءِ ھند بربوئی ءَ زورگریں پاکستانی لشکر ءِ کاروان ءَ ھواریں گاڑی یے گوں چیر کرتگیں شورھاں نشانگ کرتگ، تراک ءِ آسر ءَ دژمن ءِ پنچ کارمند جاھی مرتگ ءُ میجر رنک سروگانے ءَ ھوار سے کارمند سکا ٹپی بیتگ ھمے وڑ ءَ دژمنیں لشکر ءِ گاڑی سرجم ءَ تباه بیتگ.
جارکش ءَ گوشتگ که زورگریں پاکستانی لشکر چه گوستگیں روچ ءَ په زوراکی ءِ نیت ءَ لشکرکشی کنگ ءِ جھد ءَ کنگ ءَ اِنت که آئی ءَ سرمچاراں نشانگ کرتگ ءُ مرچی پدکنز بوگ ءَ لاچار بیتگ.
جیھند بلوچ ءَ وتی درشان ءِ گڈی ءَ گوشتگ کہ بی ایل اے اُرش ءِ زمہ واری منّ ایت۔
