بلوچ لبریشن آرمی ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل اے ءِ سرمچاراں مرچی کلات ءَ اُرشے ءَ زورگریں پاکستانی لشکر نشانگ کرتگ که چه ایشی ءَ چار کارمند مرتگ ءُ شش ٹپی بیتگ.
آئی ءَ گوشتگ که بی ایل اے ءِ سرمچاراں کلات ءِ ھند ھربوئی ءَ سنگر گپتگ ءُ پاکستانی لشکر ءِ پرپٹانی کاروان ءِ سر ءَ اُرش کرتگ. اُرش ءِ آسر ءَ زورگریں لشکر ءِ چار کارمند جاھی مرتگ ءُ آیانی سلاه ءُ آدگه لشکری سامان سرمچاراں دستیگ کرتگ اَنت.
جارکش ءَ گوشتگ که سرمچارانی اُرش ءَ زورگریں پاکستانی لشکر ءِ شش کارمند که تچگ ءَ بیتگ اَنت ٹپی بیتگ اَنت. لگوریں لشکر ءِ کارمنداں وتی مرتگیں کارمندانی لاش یل داتگ اَنت ءُ تتکگ اَنت.
آئی ءَ گوشتگ که زورگریں پاکستانی لشکر ءِ سر ءَ سرمچاراں ھما وھد ءَ اُرش کرتگ ءُ تاوان داتگ که آ ھربوئی ءُ کش ءُ کراں لشکرکشی کنگ ءَ بیتگ اَنت، اُرش ءِ آسر ءَ دژمنیں لشکر پدکنز گ ءَ لاچار بیتگ. بی ایل اے ھمک وھد ءَ په لس مھلوک ءِ پھازگ ءَ جاڑیگ اِنت، دژمن ءِ ھر وڑیں زوراکیانی پسّه ترندیں اُرشانی دروشم ءَ دیگ بیت.
