بلوچستان ءَ انسانی ھکانی ناھکیں بگیری، بلوچ یکجھتی کمیٹی ءِ سروک ڈاکٹر ماہ رنگ بلوچ، بیبگر بلوچ ءُ آدگہ کارکنانی دزگیری، شال ءَ ایمنیں زھرشانی کنوکانی سر ءَ تیرگواری ءِ آسرءَ ھبیب، امداد ءُ دوازدہ سالیگیں نیامت ءِ کوش ءُ بی ایس او آزاد ءِ چہ یازدہ سالاں زور بیگواھیں سروک زاھد بلوچ ءُ اسد بلوچ ءِ زوریں بیگواھی ءِ بگیری ءَجرمنی، برتانیہ ءُنیدرلینڈز ءَ زھرشانی کنگ بیتگ۔
زھرشانی کنوکیں مردماں پلے کارڈ ءُ سانمندیں مردمانی اکس دستاں بیتگ اَنت ءُ بلوچستان ءَ زوریں بیگواھی ءِ ھلاسی ءُ زوربیگواھیں مردم ءُ سیاسی بندیگانی یل کنگ ءِ لوٹ کرتگ۔
زھرشانی کنوکاں تران کرتگ ءُ گوشتگ کہ پاکستانی لشکر ھمک روچ بے میاریں مردماں کشگ ءَ اِنت ءُ زوریں بیگواھی ءَ سرجمیں بلوچستان مانروپتگ۔ زور بیگواھیں مردمانی تہ ءَ انچیں مردم ھوار اَنت کہ آ چاگرد ءِ سیاسی ءُ زانشتی دیمروئی ءَ مزنیں کرد پیلو کنگ ءَ اَنت۔ نودربر، سائنسدان، پروپیسر ءُ انسانی ھکانی کارکن ھم ھمے زوراکیانی نشانگ بوگ ءَ اَنت۔
بی این ایم ءَ گوں میان استمانی ادارھاں لوٹ کرتگ کہ آ پہ بلوچ راجی آجوئی ءِ ھک ءَ دزمانجنی بہ کن اَنت ءُ بلوچستان ءِآجوئی ءِ سدکی ءَ بہ دے اَنت۔
