شال: بلوچ یکجھتی کمیٹی ءِ سروک ڈاکٹر ءُ آدگه زھرشانی کنوکانی دزگیر کنگ ءِ بگیری ءَ بلوچستان ءِ جتا جتائیں ھنداں زھرشانی ءُ تھتگ بند ھڑتال سئیمی روچ اِنت که برجاه اِنت.
بنشون ءِ رد ءَ شال ءَ پد ھب چوکی ءَ ھم برجاھیں زھرشانی ءِ سر ءَ پولیس ءَ بیڑ برتگ ءُ زوراکی کرتگ. پولیس ءَ زھرشانی کنوکیں مردم آزار داتگ اَنت ءُ اَرسی گیس جتگ که چه ایشی ءَ جنین ءُ زھگاں ھوار پانزده مردم ٹپی بیتگ.. ھمے وڑ ءَ ھب پولیس ءَ اِمران بلوچ ءِ ھواری ءَ بازیں کچے ءَ زھرشانی کنوکیں مردم آوار جتگ ءُ بیگواه کرتگ.
چه ایشی ءَ ابید تربت ، کلات ، ھاران ءُ چاگے ءَ مرچی دومی روچ اِنت که تھتگ بند ھڑتال ءَ بازار بند اَنت ءُ مردم زھرشانی کنگ ءَ اَنت. زھرشانی کنوکیں مردماں ڈاکٹر ماه رنگ ءُ آدگه دزگیر کنگ بیتگیں بی وائی سی ءِ کارکن یُ زھرشانی ءَ ھواریں مردمانی یل کنگ ءِ لوٹ کرتگ.
