بلوچ یکجھتی کمیٹی ءِ جارکش ءَ ماں رسانکدر ءَ وتی شنگ کرتگیں درشانے ءَ گوشتگ که مرچی پاکستان ریاست ءَ بلوچستان ءَ ناشری ءُ زوراکیانی درسیں ھد ءُ سیمسراں گواز کرتگ اَنت. شال ءَ ایمنیں زھرشانی ءِ سر ءَ تچک ءَ تیرگواری کنگ ءِآسر ءَ داں انوں مئے سے سنگت شھید بیتگ ءُ دگه دھانک کچ ءَ ٹپی بیتگ اَنت که چه ٹپی بیتگیں مردماں ھپت مردم ءِ جاور ناگیگ اَنت۔
آئی ءَ گوشتگ که بلوچ یکجھتی کمیٹی پاکستان ریاست ءِ اے ناشری ءُ زوراکی ءِ بگیری ءَ سرجمیں بلوچستان ءِ بند کنگ ءِ جار ءَ جنت. باندا سرجمیں بلوچستان تھتگ بند ھرتال ءُ دگ بند ھرتال کنگ بیت۔
جارکش ءَ گوشتگ که اے وھد ءَ شھیدانی لاشانی ھواری ءَ سریاب دگ ءَ نندانک برجاہ اِنت، ما درسیں لس لوٹ کن ایں کہ زوتاں چہ زوت وت ءَ نندانک ءَ سر بہ کن اَنت۔
