کیچ: پجار نه بیتگیں سلاه بندیں مردماں بلیده ءُ زامران ءَ دو جتائیں بمب اُرشاں زورگریں پاکستانی لشکر ءِ پیادگیں کارمند ءُ گاڑیانی کاروان نشانگ کرتگ.
بنشون ءِ رد ءَ سلاه بندیں مردماں بلیده ءِ ھند زیردان ءَ زورگریں پاکستانی لشکر ءِ بمب چاروکیں ٹولی ءِ پیادگیں کارمند ھما وھد ءَ گوں چیر کرتگیں شورھاں نشانگ کرتگ اَنت که ھمے ھند ءَ بمب چارگ ءَ بیتگ اَنت. تراک ءِ آسر ءَ پاکستانی لشکر ءِ کارمندانی مرگ ءُ ٹپی بوگ ءِ ھال اِنت.
دومی نیمگ ءَ سلاه بندیں مردماں زامران ءَ پاکستانی لشکر ءِ کاروان ءَ ھواریں گاڑی یے گوں چیرکرتگیں شورھاں نشانگ کرتگ. چه ایشی ءَ زورگریں لشکر ءِ جانی تاوان ءِ گمان اِنت.
دوئیں اُرشانی زمه واری انگت ھچ گل ءَ نه زرتگ.
