شال/ نوشکے: زورگریں پاکستانی لشکر ءَ دوشی ادار دو ءُ نیم ءَ شال ءِ ھند کلی کمبرانی ءَ بیڑ برتگ ءُ ھاجی ابدُلرھمان کمبرانی نامیں مردمے آوار جنگ ءَ پد بیگواه کرتگ.
بنشون ءِ رد ءَ پاکستانی لشکر ءَ چه ایشی ءَپیش ھم اِے کھول ءِ ھپت مردم زوربیگواه کرتگ که آیانی بیگواھی ءِ بگیری ءَ کھول ءَ زھرشانی کرتگ اَت۔ دوشی چه ھاجی ابدُلرھمان کمبرانی ءِ آوار جنگ ءَ اے کھول ءَ ھشتمی مردم اِنت کہ بیگواه کنگ بیتگ.
دومی نیمگ ءَ نوشکے ءَ چه پاکستانی لشکر ءِ چیریں آزارجاھاں زوربیگواھیں شکیل اھمد آجو بیتگ ءُ وتی گس ءَ سر بیتگ. شکیل اھمد ءِ آجوئی ءِ گپ کھول ءَ راست کرتگ.
