منگچر: پاکستانی لشکر ءِ دست ءَ آوار جنگ بیتگیں پھیم ءُ ھادم ھسین ءِ کھولاں آیانی زوریں بیگواھی ءِ بگیری ءَ یکبرے پد ءَ منگچر ءَ شال کراچی شھدگ بند کرتگ ءُ زھرشانی ءَ نشتگ اَنت.
کھولانی گوشگ اِنت که ما چه ایشی ءَ پیش ھم وتی زھگانی بیگواھی ءِ بگیری ءَ زهرشانی کرتگ بلے ھندی انتزامیه ءَ مئے گون ءَ کول کرتگ که شمئے زھگ یل کنگ بنت ، چه ایشی ءَ ما وتی زھرشانی ھلاس کرتگ بلے انتزامیه ءَ وتی کول کرتگ ءُ مئے زھگ انگت ءَ بیگواه اَنت۔ ما یکبرے پد ءَ لاچار بوتگیں کہ زھرشانی ءَ شھدگ بندگ کرتگ۔
چوش که 14 مارچ ءِ شپ ءَ زورگریں پاکستانی لشکر ءَ جناھ ٹاؤن ءَ سمنگلی دگ ءَ بیڑ برتگ اَت ءُ مھمد پھیم ء سئید اھمد ءُ ھادم ھسین ء الی اھمد آوار جتگ ءُ بیگواه کرتگ اِت اَنت. کھولاں آیانی زوریں بیگواھی ءِ بگیری ءَ پیسر ءَ ھم شال کراچی شھدگ زھرشانی ءَ بند کرتگ اَت۔
