بلوچ لبریشن آرمی ( بی ایل اے ) ءِ جارکش جیئند بلوچ ءَ ماں رسانکدر ءَ وتی شنگ کرتگیں درشانے ءَگوشتگ کہ بی ایل اے ءِ سرمچاراں شال، ھرنائی، مستونگ، پنجگور، ھزدار، نسیر آباد ءُجاپر آباد ءَ دہ جتائیں ارشاں زورگریں پاکستانی لشکر گوں تراکناکیں شورھاں نشانگ کرتگ۔ اے میان ءَ پولیس ءُ لیویز لشکر ءِ سلاہ ھم پل اِتگ اَنت۔ کشندہ ٹولی ءِ کارمند نشانگ کرتگ اَنت۔ اے ارشاں پاکستانی لشکر ءِ پنچ کارمند مرتگ ءُ چاردہ ٹپی بیتگ۔
آئی ءَ گوشتگ کہ 15 مارچ ءِ شپ ءَ بی ایل اے ءِ سرمچاراں شال ءِ کرانی دگ ءَ اے ٹی ایپ ءِ سے گاڑیانی کاروان ءَ ھواریں یک گاڑی یے گوں چیر کرتگیں شورھاں نشانگ کرتگ۔ تراک ءِ زد ءَ کپگ ءَ یک لشکری کارمندے مرتگ، شش ٹپی بیتگ۔ ارش ءِ آسر ءَ گاڑی سرجم ءَ تباہ بیتگ۔
آئی ءَ گوشتگ کہ شال ءَ دگہ یک کاروائی یے ءِ میان ءَ 14 مارچ پنچ شمبےءَ سرمچاراں کیچی بیگ تانہ ءَ دستی بمب ارش کرتگ۔ اے ارش ھما وھد ءَ کرتگ لشکر ءِ کارمند مزنیں دروازگ ءَ پترگ ءَ بیتگ اَنت۔ تراک ءِ آسر ءَ تانہ ءَ اوشتاتگیں گاڑی یے ستکگ ءُ تباہ بیتگ۔
جارکش ءَ گوشتگ کہ 15 مارچ ءِ سھب ءَ بی ایل اے ءِ سرمچاراں تربت ڈی بلوچ ءِ نزیک ءَ سی پیک دگ ءَ زورگریں پاکستانی لشکر ءِ کاروان ءَ ھواریں گاڑی یے گوں چیرکرتگیں شورھاں نشانگ کرتگ۔ تراک ءِ آسر ءَ دژمنیں لشکر ءِ سے کارمند مرتگ، کم چہ کم سے ٹپی بیتگ۔ ارش ءَ اے گاڑی سرجم ءَ تباہ بیتگ۔
آئی ءَ گوشتگ کہ 14 مارچ ، آدینگ ءِ روچ ءَ ھرنائی ءِ ھند چیالی ءَ بی ایل اے ءِ سرمچاراں زورگریں پاکستانی لشکرءِبمب چاروکیں ٹولی ءِ سے پیادگیں کارمند گوں چیرکرتگیں شورھاں نشانگ کرتگ اَنت۔ اے ارش ھما وھد ءَ کرتگ کہ آ ریلوے ٹریک ءِ چارگ ءَ بیتگ اَنت۔ یک کارمندے جاھی مرتگ ءُ دو کارمند ٹپی بیتگ۔
جارکش ءَ گوشتگ کہ 16 مارچ ءِ شپ ءَ پنجگور ءِ ھند جاھین پروم ءَبی ایل اے ءِ سرمچاراں زورگریں پاکستانی لشکر ءِ جوڑ کرتگیں وتگڑیں کشندہ ٹولی ءِ یک بندرے ءَ ارش کرتگ، ایشی آسر ءَ دو کارمند ٹپی بیتگ۔
آئی ءَ گوشتگ کہ 15 مارچ ءَ سرمچاراں جاپر آباد ءَ یک پولیس چوکی یے ءِ سر ءَ ارش کرتگ، چہ ایشی لشکر ءِ کارمند نشانگ کرتگ اَنت یک کارمندے ٹپی بیتگ۔
جارکش ءَ گوشتگ کہ 14 مارچ پنچ شمبے ءَ بی ایل اے ءِ سرمچاراں پنجگور سی پیک دگ ءَاین 85 ءَکسٹم ءِ چوکی ءِسر ءَ ارش کرتگ کارمند دزگیر کرتگ اَنت ءُ سلاہ پل اتگ اَنت ءُ رند ءَ کارمند کڈن کرتگ ءُ یل داتگ اَنت۔
آئی ءَ گوشتگ کہ 12 مارچ چارشمبے ءَ بی ایل اے ءِ سرمچاراں کلات ءِ ھند مھلبی ءَ لیویز چوکی ءِ سر ءَ ارش کرتگ ءُ کارمندانی سلاہ برتگ اَنت۔ رند ءَ لیویز کارمند یل داتگ اَنت۔ ھمے میان ءَ سرمچارانی سر ءَ ارش کنگ ءِ جھد ءَ یل کارمندے ٹپی بیتگ۔
جارکش ءَ گوشتگ کہ 11 مارچ ءَ ھزدار ءِ ھند گروک ءَ سرمچاراں لیویز چوکی ءِ سر ءَ ارش کرتگ ءُ سلاہ پل اتگ اَنت۔ ھمے میانءَ لشکری کارمندانی سلاہ ءُ پرپٹ پل اتگ اَنت ءُ کارمند رند ءَ یل داتگ اَنت۔
آئی ءَ گوشتگ کہ 11 مارچ ءَ مستونگ شھر ءَ بی ایل اے ءِ سرمچاراں یک پولیس چوکی یے ءِ سر ءَارش کرتگءُ پنچ کارمند دزگیر کرتگ ءُ آیانی سلاہ پل اتگ اَنت۔ آیانی تہ ءَ سے سی تیری، دو وتاس ءُ آدگہ لشکری سامان ھوار بیتگ اَنت۔ سرمچاراں پولیس کارمند کڈن کنگ ءَ پد یل داتگ اَنت۔
جیئند ءَ درسیں ارشانی زمہ واری من اتگ ءُ گوشتگ کہ درہ ء بولان ءُ نوشکے ارش ءِ باروا سرجمیں ھال زوت رسانکدر ءَ شنگ کنگ بنت۔
