جنیوا: اکوام متھدہ ءِ پنجاہ ءُ ھشتمی نیاد ءَ بی این ایم ءِ باسک جویریہ بلوچ ءَ تران کنان ءَ پاکستانی لشکر ءِ پلہ مرزیں کشندہ ٹولی ایرجتگ کہ آ ھزارانی کچ ءَ زوریں بیگواھیانی زمہ وار اِنت۔
آئیءَ بلوچ جنین ءُ دانشورانی سر ءَ بیوکیں ناھکیں ویل درشان کرتگ اَنت کہ آیانی تہ ءَ یک ورنائیں جنکے اسما بلوچ ءِآوارجنی ءُ بلوچ نودربر اللہ داد ءِ درکانودی کوش پیش کرتگ اَنت۔
جویریہ بلوچ ءَ گوشتگ کہ اے تھنا لھتیں ویل نہ اَنت بلکیں یک مھکمیں شوربندی یے ءِ رد ءَ بیوکیں زوراکی اَنت۔ اود ءَ پاکستانی لشکر ءِسروکی ءَ کارکنوکیں کشندہ ٹولی ترس آماچ کنگ ءُ آجوئی ءِ لوٹوکانی پہ توار ءِ دارگ ءَ جھد کنگ ءَ اَنت۔
آئی ءَ گوں اکوام متھدہ ءَ لوٹ کرتگ کہ بلوچستان ءَ بیوکیں ناشریانی بابت ءَ پٹ ءُ پول بہ کنت ، میارباراں نشان بہ کنت ءُسانمندیں کھولانی گون ءَ انساپ بہ کنت۔ درسیں زوریں بیگواھیں مردم آجو کنگ بہ بنت ءُ زوراکی کنوکیں مردم جست کنگ بہ بنت۔
