ھزدار: بلوچ یکجھتی کمیٹی ءَ ماں رسانکدر ءَ وتی شنگ کرتگیں جارے ءَ گوشتگ کہ نال ءَ کشندہ ٹولی ءِ کارمندانی دست ءَ شاہ جان کرد ءِ درکانودی کوش ءُ ناسر کریم ءِ سر ءَ تیرگواری ءُ بی ایس او آزاد ءِ پیشیگیں سرکماش زاھد کرد ءِ زوربیگواھی ءِ یازدھمی سال ءِ سرجم بوگ ءِ بگیری ءَ ھژدہ مارچ ءَ نال المدینہ ھوٹل ءَ داں چاراہ بازار ءَ زھرشانی روانکے کشگ بیت۔ اے زھرشانی روانک ءَ بلوچ یکجھتی کمیٹی ءِ بنجاھی سروک ھم بھر زور اَنت۔
آئی گوشتگ کہ ما چہ جھالاوان ءُ گیشتر نال ءِ جھمنندیں مردماں لوٹ کن ایں کہ آ اے زھرشانی روانک ءَ بھر بہ زور اَنت ءُ ریاست ءِ نیمگ ءَ اے برجاھیں زوراکی ءِ بگیری ءَ توار چست بہ کن اَنت۔
