مچ/ پنجگور: زورگریں پاکستانی لشکر ءَ دو مردم آوار جتگ ءُ بیگواه کرتگ.
بنشون ءِ رد ءَ پاکستانی لشکر ءَ مچ، بارڑی ءَ گسے ءَ بیڑ برتگ ءُ آبد ھسین نامیں لیویز کارمندے آوار جنگ ءَ پد بیگواه کرتگ.
آبد ھسین ءِ کھول ءَ آئی ءِ زوریں بیگواھی ءِ گپ راست کرتگ ءُ گوشتگ که آبد ھسین چه ایشی ءَ پیسر ھم یکرندے زوربیگواه کنگ بیتگ. ما پہ آئی بیگواھی ءَ سکا تکانسریں کہ سرکاری ادارہ آئی تاوان مہ دے اَنت۔
کھول ءَ گوں انسانی ھکانی ادارھاں لوٹ کرتگ که په آبد ھسین ءِ یل کنگ ءَ وتی کرد ءَ پیلو به کن اَنت.
ھمے وڑ ءَ پاکستانی لشکر ءَ چه پنجگور ءِ ھند پروم ءَ پیسل ابدُلرھمان نامیں ورنایے آوار جتگ ءُ بیگواه کرتگ. کھول ءَ آئی ءِ بیگواھی ءِ گپ راست کرتگ ءُ آئی ءِ یل کنگ ءِ لوٹ کرتگ.
