منگچر: چہ شال ءَ پاکستانی لشکر ءِ دست ءَ زور بیگواہ کنگ بیتگیں ورنایانی کھولاں زھرشانی ءَ شال کراچی شھدگ جوھان دوراھی ءَ بازار ءِ نزیک ءَ بند کرتگ۔ زھرشانی ءَ بازیں کچے ءَ مردماں بھر زرتگ۔
زھرشانی کنوکیں مردمانی گوشگ اِنت کہ دوشی جناہ ٹاؤن ءَ پاکستانی لشکر ءَ بیڑ برتگ ءُ مھمد پھیم ء سئید اھمد ءُ ھادم ھسین ء الی اھمد دوئیں نیچاری اَنت آوار جتگ ءُ بیگواہ کرتگ اَنت۔ پہ آیانی آجوئی ءَ زھرشانی برجاہ بیتگ اناگت ءَ ویگو گاڑی ءَ سواریں سادگ پوشاکیں سلاہ بندیں مردم اتکگ ءُ کدرت اللہ ء الی اھمد نیچاری آوار جتگ ءُ گوں وت برتگ۔
آیانی گوشگ اِنت کہ زوریں بیگواھی یک درکانودی کارے ءُ دانکہ مئے بیگواھیں مردم آجو نہ بیتگ اَنت ما وتی زھرشانی نندانکءَ برجاہ دار ایں۔
