بلوچستان لبریشن پرنٹ ( بی ایل ایپ ) ءِجارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ یازدہ مارچ ءَ بی ایل ایپ ءِ سرمچاراں کشندہ ٹولی ءِ کارمند ابدُلرسول ء کریم بکش ساجدی کولواہ ھور، گیشکور ءِ جاہ منند دودر ءَ دارگ ءُ دزگیر کنگ ءِ جھد کرتگ بلے آئی ءَ اوشتگ ءِ جاه ءَ گھگیری کنگ بندات کرتگ گڑا سرمچاراں گھگیری ءِ میان ءَ نشانگ کرتگ ءُ کشتگ۔ گھگیری ءِ میان ءَ ھارس ء ریاست نامیں مردمے گوں آئی ءَ بیتگ که آ ٹپی بیتگ۔
آئی ءَ گوشتگ کہ بی ایل ایپ رسانکدر ءِ ردءَ ھندی مردماں گوشگ لوٹ ایت کہ ھارس بلوچ اناگتی ٹپی بیتگ ءُ آ بلوچ ءُ زرمبشت ءِ بگیری ءَ ھچ وڑیں کاراں ھوار نہ بیتگ۔
جارکش ءَ گوشتگ چوش کہ ابدُلرسول ء کریم بکش ساجدی 19 نومبر 2024 ءَ گیشکور ءِ ھند دودر ءَ بی ایل ایپ ءِ ھمبل سرمچار کیپٹن نیاز کادر پنام گمان جان ءُ لیپٹیننٹ زریپ بلوچ پنام شے جان ءِ شھیدی ءَ تچکی ءَ ھوار بیتگ۔ ھمے بنیاد ءَ سرمچاراں 11 مارچ ءَ آئی ءَ مرگ ءِ سزا داتگ۔
آئی ءَ گوشتگ کہ آواران ءُ کولواہ ءَ پاکستانی لشکر ءِ سروکی ءَ سلاہ بندیں ٹولی کہ آ چہ کشندہ ٹولی ءَ زانگ بنت آیان ءَ سلاہ بند کرتگ ءُ مھکم کرتگ پہ بلوچ چکچینی ءَ یل کنگ بیتگ اَنت، بلے بلوچستان لبریشن پرنٹ ءِ سرمچار پہ وتی ھمبلانی ءُ لس بلوچانی پھریزگ ءَ سرجم ءَ توانمند اَنت۔ ما ھمے کول ءَ کن ایں کہ زورگریں لشکر، کشندہ ٹولی ءِ کارمند ءُ پہ آئی ءَ چاریگی کنوکاں پروش دیان کن اِیں۔
آئی ءَ گوشتگ کہ بی ایل ایپ گوں ھمک کھول ءُ ھمک مردم ءَ لوٹ کنت له آ وتی زھگاں چہ بلوچ سرمچار ءُ وتی راج ءِ بگیری ءَ توانمندیں دژمنانی چاریگی ءَ دور بدار اَنت۔ اگاں کجام کھول شک یا سدک اِنت کہ آئی چونیں مردمے بلوچ چکچینی ءَ زورگریں ریاستءِ کمکار اِنت ءُ راج ءِ بگیری ءَ چاریگی یا سلاہ بندیں کاراں ھوار اِنت گڑا آ وتی کھول ءَِ مردم ءَ وت سرپد بہ کنت چہ راجدروئی ءَ گستا بہ بیت اگاں آئی ھچ وڑ ءَ نہ من اِت گڑا وتی راجی کرد ءَ پیلو بہ کن اِت ءُ پہ رزا بلوچ سرمچاراں سھی بہ کن اِت۔
میجر گھرام ءَ کشندہ ٹولی ءِ کارمند ابدُلرسول ءِ کوش ءِ زمہ واری من اتگ ءُ گوشتگ کہ ھمے کول ءَ کن ایں که داں بلوچستان ءِ آجوئی ءُ وت واجھی ءَ آجوئی ءِ اے جنگ برجاہ بیت۔
