بلوچ نیشنل موومنٹ ( بی این ایم ) ءِ بنجاھی سرکماش ڈاکٹر نسیم بلوچ ءَ ماں چاگردی رسانکدر ءِ تند جاہ ایکس ءَ اسلام آباد ءَ امریکی سپارتجاہ ءِ پسو ءَ گوشتگ کہ پاکستان ءَ پہ بلوچ ءَ درسیں راجمستری کار ءِ در بند کرتگ اَنت۔ بلوچستان ءَ پرایمنیں سیاسی جھد کنوکیں پارٹی بی این ایم ءُ آدگہ گلانی سروک جتگ اَِنت، آ چہ دمگ ءَ در اتکگ اَنت یا درانڈیھ ءَ شتگ اَنت۔
آئی ءَ گوشتگ کہ مرچی سھب ءَپاکستانی لشکر ءَ بلوچ یکجھتی کمیٹی ءِ سروک ءُ انسانی ھکانی کارکن گلزادی تیوک ءَ چہ سیاسی کارانی سوب ءَ آوار جتگ ءُ بیگواہ کرتگ لھتیں اداراں زندانی کنگ ءَ پد یل داتگ، بلے آئی آوارجنی ریاستی ناشرکاری ءِتچکیں کلوہ اِنت۔
ڈاکٹر نسیم بلوچ ءَ گوشتگ کہ امریکی سپارتجاہ ءِ پاکستان ءِ ردیں ٹاپارانی سر ءَ سدک بوگ ءُ بلوچستان ءَ انسانی ھکانی لگتمالیانی منگ ءَ ابیدپاکستان ریاست ءِ گپانی دیم ءَ آرگ سکا بژنیگ کنت۔ پاکستان چوش کہ وت ءَ جھان ءِ دیم ءَ راجمستری ءِ رد ءَ پیش کنت بلے بلوچستان ءَ زوریں بیگواھی، درکانودی کوش ءُ آدگہ رستری جنگی میارباریاں ھوار اِنت۔
آئی ءَ گوشتگ کہ امریکہ ءُ میان استمانی تک پاکستان ءِ وتگڑیں ٹاپار ءُ دروگیں گپاں رد بہ کن اَنتءُ بلوچ ءِ وتواکیءَ بہ من اَنت ، انساپ ءُ ایمنی ءِ لوٹاں پیلو بہ کن اَنت۔
