بلوچ لبریشن آرمی ( بی ایل اے ) ءِ جارکش جیئند بلو چ ءَ ماں رسانکدر ءَ وتی شنگ کرتگیں درشانءَ گوشتگ کہ بی ایل اے ءِ سرمچاراں مرچی زورگریں پاکستانی لشکر ءِ نیمگ ءَ داتگیں بیھار ءُجنگی بندیگانی یل کناھینگ ءِ گپ رد کرتگ ءُ لشکراے زوراکیانی گوں ترندی ءَگڈی پسو داتگ۔ دژمنیں لشکر ءَ مرچی گوں توپ ءُ مزنیں سلاھاں دیم ءَ آھگ ءِ جھد کرتگ، ایشی آسر ءَ ترندیں میڑ بیتگ اَنت۔ بی ایل اے ءِ سرمچاراں گوں کتہ کاریں لشکری شوربندیانی رد ءَ دژمن ءِ زور گوں ھاکاں ھوار کرتگ ءُ لشکر ءَ مزنیں پروشے داتگ ءُ پہ پدکنز کنگ ءَ لاچار کرتگ۔ اے جنگ ءَ بی ایل اے ءِ سے سرمچار پہ ماتیں سرڈگار ءِ دیمپانی ءَ ندر بیتگ۔ کہ آیاں بلوچ راجی آجوئی جنگ ءَ دگہ یک گوستانکے زندگ داشتگ۔
آئی ءَ گوشتگ کہ پاکستانی لشکر اے زوراکی، نادلگوشی ءُ جنگی بندیگانی یل کناھینگ ءِ سر ءَسنگین نہ بوگ ءِ پسو ءَبی ایل اے ءَیک ادارے ءَ پیش پنجاہ بندیگیں لشکری کارمند کشتگ کہ اے بلوچ آمیدگس ءَ بلوچ چکچینی، زوریں بیگواھی، مڈیانی لٹ ءُ پل، ریاستی ناشرکاری ءُ جنگی میارباریاں تچک ءَ ھوار بوگ ءِگوشتگ اَت۔
جارکش ءَ گوشتگ کہ چہ ایشی پیش دوشی پاکستانی ڈرون ارش ءِ پسو ءَ دہ بندیگ کشتگ اَت۔ چہ ایشی پیش میڑانی میان ءَ دگہ دہ کشتگ اَت، زی سی پاکستانی لشکر ءِ کارمند کشتگ اَت۔ چہ ایشی ءَ پد دژمنیں لشکرءِ کشگ بیتگیں کارمندانی سرجم ءَ کچ سد ءَ گوستگ۔ انگت ءَ اے وھد ءَ 150 ءِ نزیک ءَ دگہ دزگیر بیتگیں بی ایل اے ءِ بندیگ اِنت۔
آئی ءَ گوشتگ کہ بی ایل اے دژمن ءَ گڈی کلوہ ءَ دنت اگاں زورگریں لشکر ءَ پد ءَ چونیں ھم لشکری کاروائی کنگ ءِ جھد کرت گڑا درسیں بندیگ زوت ءُ یکجاہ ءَ کشگ بنت۔
جارکش ءَ گوشتگ بی ایل اے وتی درسیں سوڑگانی سر ءَ سرجم ءَ کارکنگءِ توان، بودناکی ءُ واک ءَ دار ایت۔ اے گھگیری چونیں ھم گوں یک جنگے ءَ بندوک نہ اِنت بلکیں بلوچ راجی آجوئی جھد ءِ درچ اِنت۔ پہ زورگریں دژمن ءَ ھمک دمان گیش ءَ چہ گیش ترند بوگ ءَ اِنتءُ بی ایل اے بلوچ راجی گھگیری ءِ اے گام ءِ داں گڈی آسر ءَ سر کنگ ءَ ھرپیمیں گامگیج ءَ زور ایت۔
جیئند ءَ گوشتگ کہ پہ پاکستانی لشکر ءَ نوں دگہ بیست ادار پشت کپتگ۔ اگاں اے میان ءَ آئی سنگینیں گامگیج نہ زرت گڑا ھمک ادار ءَ بندیگ بلوچ آمیدگس ءِ سوڑگ ءِ رد ءَ سزا دیگ بنت۔
