شال: ھشت سال پیش زورگریں پاکستانی لشکر ءِ دست ءَ زور بیگواہ کنگ بوتگیں مھمد ارپان ء میر اھمد ءِ کھول ءَ آئی آجوئی ءِ لوٹ کرتگ۔
کھول ءِ گوشگ اِنت کہ 22 دسمبر 2016 ءَ پاکستانی لشکر ءَ مھمد ارپان چہ شال ءِ ھند سریاب دگ ءَ آوار جنگ ءَ پد چیریں آزارجاھے ءَ بندیگ کرتگ ءُ مارا آئی بابت ءَ ھچ وڑیں سرپدی دیگ بوگ ءَ نہ اِنت کہ چون ءُ کج ءَ اِنت۔
کھول ءَ گوں سرکار ءُ مردمی ھکانی ادارھاں لوٹ کرتگ کہ مھمد ارپان ءِ چہ پاکستانی لشکر ءِ چیریں آزارجاھاں آجو کنگ ءَ وتی کرد ءَ پیلو بہ کن اِت۔
